ఆ మద్య వంశి పైడిపల్లి దర్శకత్వంలో వచ్చిన ఎవడు సినిమాలో రాంచరణ్ సరసన నటించిన హీరోయిన్..ఎమీ జాక్సన్ ఆ తర్వాత శంకర్, విక్రమ్ కాంబినేషన్ లో వచ్చిన ‘ఐ’సినిమాలో నటించింది. ఇటీవల రిలీజ్ అయిన రజినీకాంత్ మూవి 2.0 లో ఎమీ జాక్సన్ ఓ రోబో పాత్రలో నటించింది. బ్రిటీష్ మోడల్, హీరోయిన్ ఎమీజాక్సన్ మొదటి నుంచి వివాదాలకు కేరాఫ్ అడ్రస్ గా నిలుస్తుంది. ఆ మద్య హిరోయిన్లు... బొడ్డుపై కొబ్బరికాయ వేయటంపై రాఘవవేంద్రరావునే తప్పుబట్టిన తాప్సి, బొడ్డుపై కొబ్బరికకాయ వేస్తానంటే దర్శకుడి ముఖంపై కొడతానంటున్న కామెంట్ చేసింది ఎమీ జాక్సన్. అంతే కాదు ఇటీవల తాను తల్లిని కాబోతున్నానని సోషల్ మీడియా సాక్షింగా చెప్పి షాక్ ఇచ్చింది. ఎందుకంటే ఆమెకు ఇంకా పెళ్లికాలేదు.
ప్రస్తుతం ఆమె లండన్ కి చెందిన జార్జ్ పనాయట్టుతో కలిసి డేటింగ్ చేస్తోంది. త్వరలో వీరి నిశ్చితార్థానికి సంబంధించిన ఏర్పాట్లలో బిజీగా ఉన్నాడట. సాధారణంగా ప్రెగ్నెన్సీ అనగానే ఎన్నో జాగ్రత్తలు తీసుకుంటారు. ఫ్రెగ్నెన్సీ టైమ్ లో ఇలా ఉండాలి అలా ఉండాలి అంటూ మన పెద్దలైతే బోలెడన్ని కండిషన్లు పెడుతుంటారు. కానీ ఇవేవీ తనకు పట్టనట్టు జిమ్ లో డంబెల్స్ ఎత్తుతూ ఎమీ జాక్సన్ పెద్ద ట్విస్టిచ్చింది.
ప్రస్తుతం ఈ ఫోటో సోషల్ మీడియాలో వైరల్ అవుతుంది. అయితే ఇంటిపట్టున అసలు ఏ పనీ చేయకుండా ఉండే వాళ్ల కంటే ఆమాత్రం ఎక్సర్ సైజులు చేసే గర్భిణులకు మేలు జరుగుతుందనేది అర్థం వచ్చేలా ఈ ఫోజు ఇచ్చి ఉండొచ్చని భావిస్తున్నారు. అంతా బాగుంది కానీ..ఇంతకీ ఎమీజాక్సన్ పెళ్లెప్పుడు? అంటూ ఫ్యాన్స్ సామాజిక మాధ్యమాల్లో ఇంకా సెటైర్లు వేస్తూనే ఉన్నారు.
