వృద్దాప్యంలో కాస్తైనా ఆడకూతురు వద్ద మనశ్శాంతి దొరుకుతుందని ప్రతి తల్లిదండ్రులు అనుకుంటారు. ముఖ్యంగా తల్లి తన కూతురు అవసాన దశలో కాస్త ఆదుకుంటుందని ఎంతో నమ్మకంగా చిన్న నాటి నుంచి అల్లారు ముద్దుగా పెంచుకుంటారు. అయితే తన కన్న తల్లిని నిర్ధాక్షిణ్యంగా ఇంటి నుంచి వెళ్లిపోవాలని బలవంతం చేస్తుంది..ఓ మహిళ. ఆ మహిళ మరెవరో కాదు..ఒకప్పుడు ఖడ్గం, పెళ్ళాం ఊరెళితే, ఈ అబ్బాయి చాలా మంచోడు వంటి సినిమాలతో తెలుగు ప్రేక్షకులకి చాలా దగ్గరైన హీరోయిన్ సంగీత.
కన్నతల్లిని ఇంటి నుండి వెళ్లిపోమని హీరోయిన్ సంగీత ఆమెపై ఒత్తిడి తీసుకురావడంతో ఏం చేయాలో తెలియని పరిస్థితుల్లో ఆమె తల్లి పోలీసులకు కంప్లైంట్ చేసింది. వివరాల్లోకి వెళితే..తెలుగు సినిమాల్లో అలరించిన సంగీత వివాహం తర్వాత తన భర్త తో కలిసి వలసరవాక్కంలో తన తల్లి తో కలిసి నివసిస్తుంది. అయితే ఈ ఇల్లుని తన అన్నయ్య ఎక్కడ అపహరిస్తారో అనే భయంతో ఇల్లు ఖాళీ చేసి వెళ్ళమని తల్లి భానుమతిపై ఒత్తిడి తెస్తుందట సంగీత. ఇల్లు ప్రస్తుతం నటి సంగీత పేరుతోనే ఉంది. దీంతో ఆ ఇంటికి వదిలి వెళ్లిపోమని సంగీత తన తల్లిని ఒత్తిడికి గురి చేస్తోంది.
భానుమతి తమిళనాడు మహిళా కమిషన్ కు ఫిర్యాదు చేశారు. మొన్నామధ్య సంగీత తమ్ముడు మరణించాడు. భానుమతి వయసు పైబడడంతో బయటకి వెళ్లలేని పరిస్థితి. దీంతో ఆమె ఇలాంటి పరిస్థితుల్లో ఎక్కడకి వెళ్లాలంటూ ఆవేదన వ్యక్తం చేస్తోంది. అయితే దీనిపై వివరణ ఇవ్వాలని సంగీతకి మహిళా కమిషన్ నోటీసులు జారీ చేసింది. దీంతో సంగీత తన భర్తతో కలిసి మహిళా కమిషన్ ఎదుట హాజరైంది. ఈ వ్యవహారంపై మీడియా ఆమెని ప్రశ్నించగా, సమాధానం ఇచ్చేందుకు నిరాకరించింది.