తెలుగు ఇండస్ట్రీలో మెగాస్టార్ చిరంజీవి నటించిన ముఠామేస్త్రీ చిత్రంలో ఓ సాంగ్ లో కొరియోగ్రాఫర్ గా కనిపించిన లారెన్స్ తర్వాత చిరంజీవికే ఎన్నో చిత్రాలకు కొరియోగ్రాఫర్ గా చేసే అవకాశాన్ని దక్కించుకున్నాడు.  ఓవైపు చిత్రాల్లో కొరియోగ్రాఫిక్ చేస్తూనే నటుడిగా వెండితెరపై అడుగు పెట్టాడు.  ఆ తర్వాత దర్శకుడిగా ‘స్టైల్’చిత్రంతో మంచి పేరు తెచ్చుకున్నాడు.  ముని లాంటి హర్రర్, కామెడీ, థ్రిలర్ చిత్రంతో ప్రేక్షకుల ప్రశంసలు పొందిన లారెన్స్ ఈ చిత్రం సీక్వెల్ గా కాంచన, గంగా చిత్రాలను తెరకెక్కించాడు. 

ఈ రెండు చిత్రాలతో మంచి హిట్స్ అందుకోవడమే కాదు భారీ కలెక్షన్లు కూడా రాబట్టాడు.  తాజాగా కాంచన 3 చిత్రంతో ప్రేక్షకుల ముందుకు వచ్చాడు.  తెలుగు, తమిళ భాషల్లో ఈ చిత్రం రిలీజ్ చేశారు.    కోలీవుడ్ లో మొదటిరోజు భారీగా రిలీజయిన కాంచన 3 అడ్వాన్స్ బుకింగ్స్ తోనే రికార్డ్ సృష్టించింది.  ప్రీమియర్స్ ను ఎగబడి చూసిన అభిమానులు రాఘవ లారెన్స్ టాలెంట్ కి మరోసారి ఫిదా అయ్యారు.లారెన్స్ కాంచన 3కి మంచి ప్రశంసలు అందుతున్నాయి. ఈ చిత్రం నిజంగానే లారెన్స్ డబుల్ మాస్ గా చూపించాడని అంటున్నారు.   

గతంలో చిత్రాల మాదిరిగానే కామెడీ తో పాటు మంచి హారర్ థ్రిల్ గా ఉందట. ఇక సినిమాకు బ్యాక్ గ్రౌండ్ మ్యూజిక్ మరో స్థాయిలో ఉందని చెబుతున్నారు. క కామెడీ అందిస్తూనే హారర్ సీన్స్.. ఎమోషన్ సీన్స్ ని లారెన్స్ సమపాళ్లలో అందించాడని చెబుతున్నారు.  మొత్తానికి  ముని 5 పోస్టర్ ని కూడా వదలడంతో ఈ సీక్వెల్స్ కి ఎదురులేదని ఆడియెన్స్ వారి అభిప్రాయాన్ని చెబుతున్నారు. 



మరింత సమాచారం తెలుసుకోండి: