మెగా హీరోల్లో రొటీన్ కు భిన్నంగా సినిమాలు చేస్తూ సత్తా చాటుతున్న వరుణ్ తేజ్ అంతరిక్షంతో ప్రయోగం చేసి ఆ తర్వాత ఎఫ్-2 అంటూ ఓ ఫ్యామిలీ మూవీ చేశాడు. ఆ రెండు సినిమాలకు చాలా వేరియేషన్ ఉంది. అలానే కెరియర్ తన ప్రతి సినిమాను కొత్తగా ట్రై చేస్తున్నాడు వరుణ్ తేజ్. ప్రస్తుతం వరుణ్ తేజ్ వాల్మికి సినిమా చేస్తున్నాడని తెలిసిందే.
తమిళ సూపర్ హిట్ సినిమా జిగుర్తండా రీమేక్ గా వస్తున్న ఈ సినిమాను హరీష్ శంకర్ డైరెక్ట్ చేస్తున్నారు. ఈ సినిమాలో వరుణ్ తేజ్ నెగటివ్ రోల్ లో నటిస్తున్నాడని తెలిసిందే. సినిమాలో మరో హీరోగా అధర్వ నటిస్తున్నాడు. పూజా హెగ్దె హీరోయిన్ గా నటిస్తుందని తెలుస్తుంది. ఈ మూవీలో వరుణ్ తేజ్ లుక్ ఒకటి లీకైంది.
బాగా గడ్డం, జుట్టు పెంచుకుని డిఫరెంట్ లుక్ లో కనిపిస్తున్నాడు వరుణ్ తేజ్. ముకుంద నుండి ఎఫ్-2 వరకు ప్రతి సినిమాలో కొత్తగా కనిపించాలని ప్రయత్నిస్తున్న వారుణ్ తేజ్ అందుకు తగినట్టుగానే మెగా ఫ్యాన్స్ లో సెపరేట్ ఇమేజ్ ఏర్పరచుకున్నాడు. దాదాపు ఓ క్రికెట్ టీం కు సరిపడే హీరోలు ఉన్న మెగా ఫ్యామిలీలో వరుణ్ తేజ్ మాత్రం డిఫరెంట్ స్టోరీస్ చేస్తున్నాడు.
వాల్మికి తర్వాత నూతన దర్శకుడు కిరణ్ డైరక్షన్ లో ఓ సినిమా చేస్తున్నాడు వరుణ్ తేజ్. ఆ సినిమాలో బాక్సర్ గా కనిపిస్తాడని తెలుస్తుంది. బాక్సింగ్ నేపథ్యంలో సినిమా కాబట్టి ఈమధ్యనే వరుణ్ తేజ్ యూఎస్ లో స్పెషల్ బాక్సింగ్ ట్రైనింగ్ తీసుకుని వచ్చాడు. చూస్తుంటే అందరి మెగా హీరోల కన్నా వరుణ్ తేజ్ సరికొత్త ట్రెండ్ సృష్టించేలా ఉన్నాడు.
