తెలుగులో వస్తున్న బిగ్ బాస్ సీజన్ 1 కి జూనియర్ ఎన్టీఆర్ హోస్ట్ గా వ్యవహరించారు. బిగ్ బాస్ సీజన్ 2 కి నేచురల్ స్టార్ నాని హూస్ట్ గా వచ్చారు. అయితే సీజన్ 1 ఎంతో ఉత్సాహంగా కొనసాగిందని..ఇంటి సభ్యుల మద్య ఎలాంటి వివాదాలు లేకుండా చాలా ఎంజాయ్ గా గడిచిపోయిందని..కానీ బిగ్ బాస్ సీజన్ 2 పై చాలా కాంట్రవర్సీలు వచ్చాయి. మొదటి నుంచి బిగ్ బాస్ 2 పై విమర్శలు వెల్లువెత్తూ వచ్చాయి. కొత్తలో నాని హూస్టింగ్ పై కూడా కొన్ని విమర్శలు వచ్చినా..కొన్ని చివరి మూవ్ మెంట్ లో ఎంతో ఉత్కంఠంగా సాగింది.
ఇక బిగ్ బాస్ సీజన్ 2 విన్నర్ నటుడు, మోడల్ కౌశల్ నిలిచారు. అయితే కౌశల్ ఇంటిసభ్యుడిగా కొనసాగుతున్న సమయంలోనే కౌశల్ ఆర్మీ ఒకటి ఏర్పడటం..ఆ ఆర్మీ వల్లే విన్నర్ గా నిలిచారని అప్పట్లో సోషల్ మీడియాలో తెగ వార్తలు వచ్చాయి. అంతే కాదు ఇంటి సభ్యులు ఎలిమినేషన్ కి కౌశల్ ఆర్మీ ప్రభావం ఉందని వార్తలు వచ్చాయి. అయితే కౌశల్ విన్నర్ గా నిలిచిన తర్వాత కూడా ఆయనపై ఎన్నో ఆరోపణలు వచ్చాయి. తాజాగా ఓ ఇంటర్వ్యూలో కౌశల్ మాట్లాడుతూ.. తన కెరియర్ కి సంబంధించిన ఒక ఆసక్తికరమైన విషయం చెప్పాడు. "నటుడిగా అవకాశాల కోసం సినిమా ఆఫీసుల చుట్టూ తిరుగుతూ చాలా ఇబ్బందులు పడ్డాను.
అదే సమయంలో మోడలింగ్ వైపు కూడా దృష్టిపెట్టాను. సినిమాల్లో ఛాన్సుల కోసం ఎన్నో ఇబ్బందులు పడుతున్న సమయంలో రోజుల్లోనే మా అమ్మకి కేన్సర్ వచ్చింది. ఆమె ట్రీట్మెంట్ కి పెద్ద మొత్తంలో డబ్బు అవసరమైంది. అలాంటి సమయంలో ఓ సినిమాలో ఛాన్స్ వచ్చిందని..అయితే ఆ సినిమా తన కెరీర్ ఇబ్బందుల్లో పడేసిందని..కాకపోతే డబ్బు కోసం తప్పని సరి పరిస్థితుల్లో నటించాల్సి వచ్చిందని వాపోయారు. నటుడిగా నా కెరియర్ దెబ్బతినడానికి ఆ సినిమాయే కారణం అంటూ చెప్పుకొచ్చాడు.
