సాధారణంగా సినిమాల్లోకి వచ్చిన తర్వాత తమ సొంత పేరు మార్చుకొని కొత్త పేరు...తమకు అచ్చొచ్చిన పేరుతోనే కొనసాగుతుంటారు.  టాలీవుడ్ లో ఎంతో మంది హీరోలు తమ సొంత పేర్లు కాకుండా సినిమా పేర్లతోనే పాపులర్ అయ్యారు.  చిరంజీవి, మోహన్ బాబు, కృష్ణ, శోభన్ బాబు తమిళనాట రజినీకాంత్ ఇలా ఎంతో మంది తమ సొంత పేర్లు కాకుండా సినీమాల్లోకి వచ్చిన తర్వాత తమ పేరు మార్చుకొని పాపులర్ అయ్యారు.  


హీరోయిన్లు కూడా వెండితెరపై నూతన పేర్లతోనే పాపులర్ అయ్యారు.  ఆ మద్య కొరటాల శివ దర్శకత్వంలో మహేష్ బాబు నటించిన భరత్ అనే నేను సినిమాలో నటించిన అందాల భామ కైరా అద్వాని తన పేరు సొంత పేరు ఎందుకు మార్చవలసి వచ్చిందో ఓ ఇంటర్వ్యూలో చెప్పింది.  యూత్ లో తనకి గల క్రేజ్ కారణంగానే బాలీవుడ్ లో వరుస అవకాశాలతో ఈ సుందరి దూసుకుపోతోంది. 'కబీర్ సింగ్' .. 'గుడ్ న్యూస్' .. 'షేర్షా' .. 'లక్ష్మీ బాంబ్' సినిమాలతో ఆమె తన దూకుడు చూపిస్తోంది. 


ఓ ఇంటర్వ్యూలో మాట్లాడిన కైరా నా అసలు పేరు కైరా అద్వాని కాదు .. అలియా అద్వాని. అయితే ఇప్పటికే బాలీవుడ్ లో మహేష్ భట్ కూతురు ఆలియా భట్ మంచి పాపులారిటీ తెచ్చుకుంది.  ఇప్పుడు అలియా'తో మొదలయ్యే మరో పేరుతో ఇండస్ట్రీలో కొనసాగడం అంత కరెక్ట్ కాదు. నా మాట విని వెంటనే పేరు మార్చుకో' అని సల్మాన్ సలహా ఇచ్చారు. ఆయన చెప్పింది నిజమేనని అనిపించడంతో నా పేరును 'కైరా అద్వాని'గా మార్చుకున్నాను.  మొత్తానికి సల్మాన్ పెట్టిన పేరు మా ఇంట్లో వాళ్లకు కూడా అలవాటైంది..అదే పేరు పెట్టి పిలుస్తున్నారని అంటుది హాట్ బ్యూటీ కైరా. 


మరింత సమాచారం తెలుసుకోండి: