టాలీవుడ్ లో ప్రేమపుస్తకం సినిమాతో హీరోగా పరిచయం అయిన అజిత్ తర్వాత తమిళ్ చిత్ర పరిశ్రమలోకి వెళ్లి అక్కడే స్థిరపడ్డారు. తెలుగు, తమిళ చిత్రపరిశ్రమలోనే కాదు మాలీవుడ్ లో కూడా అజిత్ కి ఎంతో క్రేజ్ ఉంది. అచ్చమైన తెలుగు కుర్రాడయిన అజిత్ తమిళ హీరోగానే మంచి గుర్తింపు తెచ్చుకున్నారు. తమిళ నాట రజినీకాంత్ కి ఎంతో ఫాలోయింగ్ ఉందో ఆ స్థాయి మాస్ ఇమేజ్ సంపాదించాడు అజిత్.
సాధారణంగా అగ్ర హీరోలు తమ రెమ్యూనరేషన్ విషయంలో చాలా జాగ్రత్తలు పడుతుంటారు. కొంత మంది హిట్ ఫ్లాప్ తెడా లేకుండా ఖచ్చితంగా ఓ నెంబర్ నే ఫాలో అవుతుంటారు. మరికొంత మంది సినిమా కు సంబంధించిన షేర్ లో వాటాలు తీసుకుంటారు. టాలీవుడ్ లో స్టార్ హీరోలు రూ.15 నుండి రూ.20 కోట్ల రేంజ్ లో రెమ్యునరేషన్ తీసుకుంటారని సమాచారం.
అయితే తమిళ నాట హీరోల విషయంలో చాలా తేడా ఉంది. రజినీకాంత్, కమల్ హాసన్, అజిత్, విజయ్ లాంటి హీరోలు ఒక్కో సినిమాకు రూ.40 నుండి రూ.50 కోట్ల వరకు తీసుకుంటారని కోలివుడ్ వర్గాల సమాచారం. అంతేకాదు.. సినిమా కలెక్షన్స్, బడ్జెట్ ని బట్టి కూడా రెమ్యునరేషన్ మారుతుంది.
'విశ్వాసం' సినిమా తరువాత బాలీవుడ్ నిర్మాత బోనీకపూర్ 'నేర్ కొండ పార్వై' అనే సినిమాలో నటించమని అజిత్ కి భారీ ఆఫర్ ఇచ్చినట్లు సమాచారం. అ మూవీ కోసం అజిత్ ఏకంగా రూ.60 కోట్ల వరకు రెమ్యునరేషన్ తీసుకోబోతున్నట్లు ఫిలిమ్ వర్గాల్లో టాక్ నడుస్తుంది.
