సినీ పరిశ్రమలో కొంత మంది హీరోయిన్లు ఎన్ని సినిమాల్లో నటించిన పెద్దగా గుర్తింపు రాదు. అందుకోసం వారు పడరాని పాట్లు పడుతుంటారు..చివరికి తమ అందాల ఆరబోతకు కూడా సిద్దమైనా సక్సెస్ మాత్రం కలిసి రావు. తాజాగా అంబులి, విలాసం, మాయై వంటి మూవీల్లో నటించిన భామ సనం శెట్టి ఇప్పుడు 'టికెట్' అనే మరో సినిమాలో నటిస్తోంది. అదేవిధంగా తెలుగు, మలయాళం, కన్నడం భాషల్లోనూ నటిస్తున్న సనమ్‌శెట్టి తాజాగా మిష్కిన్‌ శిష్యుడు అర్జున్ కలైవన్‌ తెరకెక్కిస్తున్న సినిమాలో నాయకిగా నటిస్తోంది. ఇందులో బర్మా మూవీ ఫేమ్‌ మైఖెల్‌ హీరోగా నటిస్తున్నారు.
ఈ మూవీ రివెంజ్, థ్రిల్లర్ సన్నివేశాలతో కూడిన ఒక అర్థవంతమైన ప్రేమ కథా సినిమా ఉంటుందని చిత్ర వర్గాలు తెలిపాయి. ఇందులో ఒక మధ్య తరగతి కుటుం బానికి చెందిన యువకుడి ఎదుగుదలకు అండగా నలిచే యువతిగా నటి సనమ్‌శెట్టి నటిస్తోందట. తాాజాగా ఓ ఇంటర్వ్యూలో సనం శెట్టి మాట్లాడుతూ.. గ్లామర్ గా నటించడంలో ఎలాంటి ఇబ్బందులు లేవని చెబుతోంది ఈ బ్యూటీ.
సక్సెస్ కావాలంటే మనం చుట్టూ ఓ పరిధి ఏర్పాటు చేసుకోవద్దని..ఆ పరిధి అప్పడప్పుడు దాటాలని అంటుంది. ఇక సినిమాలకు సెన్సార్ బోర్డ్ ఉండడం వలన అందాల ఆరబోత ఎక్కువైతే వెంటనే కత్తెర పడుతుందని, కొన్ని సన్నివేశాలను మ్యూట్ కూడా చేస్తారని.. కానీ వెబ్ సిరీస్ లకు ఇలాంటి అడ్డు ఉండదని చెప్పుకొచ్చింది.అలాంటి వాటికి వీక్షకులు మాత్రం ఎక్కువవుతున్నారు. అందుకే వాటి నిర్మాణం అధికం కావలసి ఉంది అని నటి సనమ్‌శెట్టి పేర్కొంది.
