ప్రపంచంలో ఎంత కష్టం వచ్చినా ఒక్క చిరునవ్వుతో ఆ కష్టాలన్నీ మర్చిపోవొచ్చు అని అంటారు. కొంత మంది తాము ఎంత కష్టంలో ఉన్నా ముఖంపై చిరునవ్వు చిందిస్తూ ఉంటారు. నవ్వడం ఒక భోగం...నవ్వించడం ఒక యోగం..నవ్వక పోవడం ఒక రోగం అని ఓ కవి అన్నట్లు..ముఖంపై చిరునవ్వు ఎప్పుడూ చిందిస్తుండాలని మన పెద్దలు అంటుంటారు. వంశి పైడిపల్లి దర్శకత్వంలో సూపర్ స్టార్ మహేష్ బాబు నటించిన ‘మహర్షి’మూవీ ఈ నెల 9న రిలీజ్ అయ్యింది.
ఈ సినిమాలో మహేష్ బాబు మూడు రకాల పాత్రల్లో నటించి విమర్శకుల నుంచి ప్రశంసలు పొందారు. అయితే ఈ సినిమా రైతు గౌరవాన్ని పెంపొందించేలా ఉందని రైతుల గురించి ప్రజలకు మంచి మెసేజ్ ఇచ్చారని టాక్ నడుస్తుంది. మహర్షి మూవి రిలీజ్ అయిన అన్ని సెంటర్లలో హిట్ టాక్ తెచ్చుకొని ఇప్పటికే రూ. 100 కోట్ల క్లబ్ లో చేరిందని వార్తలు వస్తున్నాయి. మహేష్ బాబు తన సహనటి నమ్రతా శిరోద్కర్ ప్రేమించి పెళ్లి చేసుకున్న విషయం తెలిసిందే. నమ్రత తన కుటుంబానికి సంబంధించిన ఏ చిన్న విషయం అయినా..సోషల్ మీడియాలో ఫ్యాన్స్ కి షేర్ చేస్తుంది.
తాజాగా మహేష్ బాబు క్యూట్ స్మైల్కి సంబంధించిన ఓ ఫోటో సోషల్ మీడియాలో చక్కర్లు కొడుతుంది. చిన్న చిరునవ్వుతో అమ్మాయిల గుండెల్లో బాణాలు దింపే మహేష్ తాజాగా తన భార్య నమ్రతా శిరోద్కర్, ఆమె సోదరి శిల్పా శిరోద్కర్తో కలిసి నవ్వులు చిందించాడు. మహర్షి సెలబ్రేషన్స్లో భాగంగా మహేష్, నమ్రతా, శిల్పా ఈ పిక్ దిగినట్టు తెలుస్తుంది. నమ్రత తన ఇన్స్ట్రాగ్రామ్లో షేర్ చేసిన ఈ ఫోటోకి భారీ రెస్పాన్స్ వస్తుంది.