మెగా కాంపౌండ్ నుండి వెండితెరకు పరిచయమైన చాలా మంది హీరోలు దాదాపు అందరు గుర్తింపు తెచ్చుకున్నారు. కానీ అల్లు శిరీష్ మాత్రం ఇప్పటివరకు అనుకున్నంత స్థాయిలో మెగా అభిమానులను అలరించలేకపోయారు. చేసిన సినిమాలు మొత్తం బాక్స్ ఆఫీసు దగ్గర బోల్తా పడటంతో ఎలాగైనా హిట్ కొట్టాలని తీవ్ర ప్రయత్నాలు చేస్తున్న అల్లు శిరీష్ తాజాగా కొత్త ప్లాన్ వేసినట్లు సమాచారం.
ప్రస్తుతం డిఫరెంట్ జానర్ లో తెరకెక్కిన ఫుల్ కామెడీ ఎంటర్టైనర్ ఏబీసీడీ సినిమా చేయబోతున్నాడు. త్వరలో విడుదల కాబోతున్న ఈ సినిమా గురించి పలు ఇంటర్వ్యూలలో పాల్గొంటున్న అల్లు శిరీష్ ఒకసారి కొత్త విషయాన్ని తన మనసులో ఉన్న కోరికను ఇటీవల బయటపెట్టాడు.బాలీవుడ్ లో ఎంట్రీ పై అడిగిన ప్రశ్నకు సమాధానమిస్తూ.. అప్పుడే బాలీవుడ్ లోకి వెళ్లాలనే కొరిక ఏమి లేదని అంటూ.. తెలుగు సినిమాలు చేసుకోవడం హ్యాపీగా ఉందని అన్నాడు.
అదే విధంగా కుదిరితే తమిళ్ సినిమాలో నటించాలని కోరికగా ఉందని అల్లు శిరీష్ వివరణ ఇచ్చాడు. అయితే కొన్ని నెలల క్రితం కెవి.ఆనంద్ - సూర్య కాంబినేషన్ లో తెరకెక్కుతున్న సినిమాలో శిరీష్ కి అవకాశం వచ్చింది. అయితే చివరి నిమిషాల్లో ఈ మెగా హీరో బయటకు వచ్చేశాడు. ఇక ఇప్పుడు మళ్ళీ తమిళ్ సినిమాపై ఇష్టం ఉందని ఆన్సర్ ఇచ్చేశాడు. మొత్తంమీద చూసుకుంటే ఈ మెగా కాంపౌండ్ హీరో కోలీవుడ్ ఇండస్ట్రీ పై కన్నేసినట్టు స్పష్టంగా అర్థమవుతుంది.
