మనుషులు పలు రకములు..మనిషికో బుద్ది..జువ్వకో రుచి అన్నట్లు ఒక్కో మనిషి ఒక్కో రకంగా ప్రవర్తిస్తుంటా. అయితే ఇది సామాన్యుల విషయంలో పెద్దగా పట్టింపులు ఉండవు..కానీ సెలబ్రెటీలు కొత్తరకంగా..వింతగా ప్రవర్తిస్తుంటే మాత్రం అది పెద్ద సంచలన వార్తే అవుతుంది. ఆది మానవుడిగా ఉన్నపుడు బట్టలు లేవంటే ఓకే..కానీ ఇప్పటి కాలానికి బట్టలు వద్దంటే అది విడ్డూరం కాదు..వీడికి పిచ్చి ముదిరిందీ అంటారు. అయితే ఈ మద్య పాశ్చత్య దేశాల్లో ఒంటిమీద గుడ్డ పీలికలు లేకుండా ఉండటం ప్యాషన్ గా మారింది.
తాజాగా బ్రిటీష్ కొలంబియాకు చెందిన నటుడు, నిర్మాత కైల్ డురాక్ తన ఒంటి మీద బట్టలుంటే చాలా చిరాకుపడతాడట. ఎప్పుడూ కూడా బట్టలు లేకుండానే కనిపిస్తాడు. అదేంటీ సెలబ్రెటీవి అయి ఉండి ఒంటిమీద బట్టలు లేకుండా ఉంటే పరువు పోదా అని ప్రశ్నిస్తే..అబ్బే నాకు బట్టలంటే మా చెడ్డ చిరాకు బాబూ..అంటున్నాడు. తనకు ఈ అలవాటు చిన్నప్పటి నుంచే ఉందట..చిన్నతనంలో బట్టలు విప్పి పడుకుంటేనే హాయిగా నిద్రపట్టేదని అంటున్నాడు.
తన తల్లిదండ్రులు నిద్ర పోగానే బట్టలు విప్పి నిద్రపోయేవాడట. ప్రస్తుతం తనకు ఎప్పుడు ఇష్టమైతే అప్పుడు బట్టలు విప్పేసి స్వేచ్చగా జీవిస్తున్నట్లు చెప్పాడు. అయితే తనలా నగ్నంగా తిరగాలని ఎంతో మందికి కోరిక ఉంటుందని..అలాంటి వారికి స్వేచ్ఛ ఇవ్వాలని ప్రభుత్వాన్ని కూడా కోరుకుంటున్నాడు. బట్టలతే తనకు చిరాకని చెప్పిన డురాక్ పనిలోకి వెళ్లేప్పుడు మాత్రం వాటిని వేసుకోక తప్పడం లేదని అన్నాడు.
తనకు ఎప్పుడూ నగ్నంగానే ఉండాలనుంటుందని, మనసుకు ఇష్టపడి అలా చేస్తున్నానని అన్నారు. ఎక్కువసేపు బట్టలు వేసుకొని ఉంటే తన శరీరంపై ఏవో పాకుతున్నట్లుగా ఉంటుందని అన్నారు. ఈ నటుడు ప్రవర్తన తీరుపై నెటిజన్లు ఫైర్ అవుతుండగా..మరికొంత మంది తన ఇష్టాన్ని ఎవరు వ్యతిరేకించడం కూడా మంచిది కాదంటున్నారు.
