మహానటి సావిత్రి బ‌యోపిక్‌లో న‌టించిన కీర్తిసురేష్ అటు తెలుగు ఇటు త‌మిళంలోను మంచి క్రేజ్‌ను సంపాదించుకుంది. ఈ సినిమా తరువాత కూడా తమిళంలో ఆమె స్టార్ హీరోల జోడీగా వరుస అవకాశాలను దక్కించుకుంటూ వెళుతోంది. కానీ తెలుగులో మాత్రం ఆమె నాయిక ప్రాధాన్యత కలిగిన ఒక ప్రాజెక్టుకు గ్రీన్ సిగ్నల్ ఇచ్చింది. ప్రస్తుతం ఈ సినిమా షూటింగు యూరప్ లో జరుగుతోంది.
ప్రధాన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. ఈ సినిమాకి 'సఖి' అనే టైటిల్ ను ఖరారు చేసినట్టుగా తెలుస్తోంది. దాదాపు ఇదే టైటిల్ ను ఖరారు చేసే అవకాశం ఉందని అంటున్నారు. నరేంద్ర అనే యువకుడు ఈ సినిమా ద్వారా దర్శకుడిగా పరిచయమవుతున్నారు. మహేశ్ కోనేరు నిర్మిస్తోన్న ఈ సినిమాలో, రాజేంద్ర ప్రసాద్, సీనియర్ నరేశ్, నదియా కీలకమైన పాత్రలను పోషిస్తున్నారు.
ఇక‌పోతే కీర్తిసురేష్ న‌టిస్తున్న 20చిత్రం అవ్వ‌గా తెలుగులో ఇది ఆమెకు మూడ‌వ చిత్రం.ఆమె మహానటి తర్వాత కొన్ని త‌మిళ్ చిత్రాల్లో విజయ్, విక్ర‌మ్ స‌ర‌స‌న న‌టించింది. స‌ర్కార్‌, సామి-2 తర్వాత విశాల్ స‌ర‌స‌న పందెంకోడి -2లో న‌టించి మంచి హిట్ ను కొట్టేసింది. మ‌ల‌యాళంలో మోహ‌న్‌లాల్ స‌ర‌స‌న మరో చిత్రంలో న‌టిస్తుంది. మ‌హేష్‌కోనేరు ఒక మంచి స‌క్సెస్‌ఫుల్ పీఆర్ ఓల్లో ఒక‌రు. చాలా త్వ‌ర‌గా మంచి పేరు తెచ్చుకుని మంచి స‌క్సెస్‌ఫుల్ ప్రొడ్యూస‌ర్‌గా పేరు తెచ్చుకోవాల‌ని ఆశిద్దాం.
