దీంతో చాలామంది మహేష్ అభిమానులు దేవీశ్రీప్రసాద్ సంగీతం పట్ల బహిరంగంగానే సినిమా రిలీజ్ అవ్వకముందు సోషల్ మీడియాలో కామెంట్ చేసిన సందర్భాలు ఉన్నాయి. ఈ క్రమంలో త్వరలో మహేష్ అనిల్ రావిపూడి దర్శకత్వంలో సినిమా చేస్తున్న దానికి దేవిశ్రీ ప్రసాద్ సంగీతం గ్యారెంటీ అన్న వార్తలు వినపడుతున్న క్రమంలో ...ఓ మహేష్ అభిమాని ఈ సినిమాకు మాత్రం దేవిని కాకుండా తమన్ ని తీసుకోమని సూచిస్తూ దూకుడు తాలుకు ఇంట్రో క్లిప్ కూడా అందులో పొందుపరిచాడు.
ఆ కామెంట్ లో దేవిని కొంచెం ఘాటుగానే కౌంటర్ చేశాడు సదరు ఫ్యాన్. దీనికి తమన్ లైక్ కొట్టేశాడు. అంటే అతని అభిప్రాయంతో ఏకీభవిస్తున్నట్టు చెప్పినట్టే. ఇది కాస్తా దేవి అభిమానుల కంటబడింది. వాళ్ళూ తమన్ ఫెయిల్ అయిన క్లిప్స్ తో కౌంటర్ ఇచ్చే పనిలో పడ్డారు. ఏది ఏమైనా ఒక చిన్న లైక్ ఒకోసారి చాలా దూరం వెళ్ళిపోయి ఎన్నో రకాల అర్థాలు ఇస్తుంది. అయితే తమన్ అనుకోకుండా లైక్ కొట్టాడో లేకపోతే కావాలని కొట్టాడో ఎవరికి అర్థం కావటం లేదు. అయితే ప్రస్తుత పరిణామాలను బట్టి చూస్తుంటే సోషల్ మీడియాలో వీరిద్దరి మధ్య కోల్డ్ వార్ జరుగుతున్నట్లు తెలుస్తోంది.