మహేష్ తన శైలికి భిన్నంగా ఎప్పుడు లేని విధంగా కాలర్ ఎగరేయటంతో  కొంత మంది భిన్నంగా స్పదించారు. మహేష్ లాంటి హీరో అలా చేయాల్సిన అవసరం లేదని చెబుతున్నారు. తన శైలికి విరుద్ధంగా అభిమానుల్లో ఉత్సాహం నింపేందుకు కాలర్ ఎగరేస్తూ ప్రచారం నిర్వహిస్తున్నారు. అంతేకాకుండా మహేష్ బాబు తన సినిమాలకు థియేటర్స్ విజిట్స్ చేయడం అనేది అరుదుగా జరుగుతుంటుంది.


‘మహర్షి’ సినిమా ప్రమోషన్స్ కోసం థియేటర్స్ విజిట్ చేసి మరీ మాస్ డైలాగ్‌తో పాటు పవర్ ఫుల్ స్పీచ్‌లతో అభిమానుల్ని ఉత్సాహపరుస్తున్నారు. నిన్నమొన్నటి వరకూ చాలా సాఫ్ట్‌గా ఉండే మహేష్ బాబు ‘మహర్షి’ చిత్ర ప్రమోషన్స్‌తో తన శైలికి విరుద్ధంగా కాలర్ ఎగరేసి పవర్ ఫుల్ స్పీచ్‌లు ఇవ్వడం ఇండస్ట్రీలో హాట్ టాపిక్‌గా మారింది. తాజాగా ఓ టీవీ ఛానల్‌కి ఇచ్చిన ఇంటర్వ్యూలో మహేష్.. తాను కాలర్ ఎందుకు ఎగరేయాల్సి వచ్చిందో చెప్పారు.


‘‘మహర్షి సినిమాతో మిరాకిల్ జరిగింది.. నా బిగ్గెస్ట్ బ్లాక్ బస్టర్ హిట్స్‌ని వారంలో క్రాస్ చేయడం నాకు బిగ్గెస్ట్ గిఫ్ట్. రిలీజ్ తరువాత నేను రెండుసార్లు కాలర్ ఎగరేయడం ప్లాన్ ప్రకారం చేసింది కాదు.. నేనేంటో అందరికీ తెలుసు. నా ఎమోషన్స్‌ని ఫ్యాన్స్‌తో పంచుకున్నానంతే. ఆరోజు చాలా మాట్లాడాలి అనుకున్నాను. అవన్నీ నా హార్ట్‌లో నుండి వచ్చిన మాటలే.. సుదర్శన్ థియేటర్స్ వెళ్లాక ఇక్కడ కదా నేను సినిమా చూడాల్సింది అనిపించింది అందుకే కాలర్ ఎగరేశా’ అంటూ చెప్పుకొచ్చారు మహేష్ బాబు.


మరింత సమాచారం తెలుసుకోండి: