అనిల్ రావిపూడి ఇప్పటి వరకు పరాజయం అనేది లేకుండా కామెడీ టైమింగ్ తో ఎన్నో హిట్ చిత్రాలను అందించాడు. పటాస్ రాజా ది గ్రేట్ సుప్రీమ్ లలో మీడియం రేంజ్ హీరోలనే గూస్ బంప్స్ వచ్చేలా ప్రెజెంట్ చేసిన అనిల్ ఇక ప్రిన్స్ లాంటి మాస్ ఐకాన్ దొరికితే ఏ స్థాయిలో చెలరేగిపోతాడో అనేది వాళ్ళ అంచనా. దానికి తగ్గట్టే రెడ్డి గారి అబ్బాయి అనే టైటిల్ ఇప్పటికే ప్రచారంలోకి వచ్చేసింది.


ఇప్పటిదాకా మహేష్ రెడ్డి పేరున్న పాత్ర చేయలేదు. విలన్లకు ఆ బ్యాక్ డ్రాప్ ఉండేది కాని ప్రిన్స్ పాత్రకు ఆ పేరు లేదు. ఇప్పుడు అనిల్ రావిపూడి సినిమాలో రెడ్డిగా మహేష్ ఏం చేస్తాడు అనేది ఆసక్తికరంగా మారింది. ఇప్పటికే కర్నూల్ తో సహా పలు కీలకమైన లొకేషన్స్ ఫిక్స్ చేశారు. మహర్షి హిట్ అనిపించుకున్నా మహేష్ కెరీర్ బెస్ట్ అని చెప్పుకుంటున్నా నిజమైన సత్తా చాటే కమర్షియల్ సబ్జెక్టు ఒకటి పడాలని అభిమానుల కోరిక.


అది అనిల్  రావిపూడి కనక నెరవేర్చితే రికార్డులు బద్దలు కావడం సహజం. శ్రీమంతుడుని మించిన కథ ఒకటి పడాలనేది వాళ్ళ టార్గెట్. ఇప్పుడీ ఒత్తిడి అనిల్ రావిపూడి మీద ఉంటుంది. పక్కా కమర్షియల్ ట్రీట్ మెంట్ తో అదిరిపోయే హిట్ ఇస్తానని అనిల్ మహేష్ కు పర్సనల్ మాటిచ్చాడట. ఒక్కడు రేంజ్ హిట్ ఇస్తే మహేష్ ఇంకెలా ఫీలవుతాడో అని ఇప్పటి నుంచి స్క్రిప్ట్ విషయంలో ఒకటికి రెండు సార్లు వడపోతలు మొదలుపెట్టినట్టు సమాచారం


మరింత సమాచారం తెలుసుకోండి: