టాలీవుడ్ లో రియల్ స్టార్ గా పేరు తెచ్చుకున్న నటుడు శ్రీహరి.  కెరీర్ మొదట్లో విలన్ గా నటించిన ఆయన తర్వాత హీరోగా మారారు.  హీరోగా నటిస్తూనే కొన్ని సినిమాల్లో క్యారెక్టర్ పాత్రల్లో నటించారు.   విలన్, కామెడీ, క్యారెక్టర్ పాత్రల్లో తనదైన మార్క్ చాటుకున్న శ్రీహరి 2013లో పలు సినిమాలతో బిజీగా ఉన్న శ్రీహరి హఠాత్తుగా మరణించిన సంగతి తెలిసిందే.  శ్రీహరి తన సహనటి డ్యాన్సర్ డిస్కో శాంతిని ప్రేమించి పెళ్లి చేసుకున్నారు.  వివాహం తర్వాత డిస్కో శాంతి సినీ పరిశ్రమకు దూరం అయ్యింది.  

Image result for actor sri hari family

శ్రీహరి-డిస్కోశాంతి దంపతులకు ఇద్దరు కుమారులు మేఘంష్ శ్రీహరి - శశాంక్ శ్రీహరి.  నటుడిగా మంచి పేరు తెచ్చుకుంటున్న సమయంలో అనుకోకుండా  శ్రీహరి చనిపోవడం ఓ వైపు చిత్ర పరిశ్రమకి మరోవైపు కుటుంబానికి తీరని నష్టం వాటిల్లింది.  శ్రీహరి  నటుడిగానే కాకుండా సామాజిక సేవా దృక్ఫదం కలిగిన వ్యక్తి అని..ఇబ్బందుల్ల ఉన్న జూనియర్ ఆర్టిస్టులకు ఎంతో మందికి ఆర్థిక సహాయం చేశారని అంటారు. 


శ్రీహరి మరణించే సమయానికి ఇద్దరు కుమారులు చిన్నవాళ్లు..అప్పట్లో శ్రీహరి నటించిన ఓ సినిమాలో తన తనయుడు కూడా నటించాడు.  తాజాగా మేఘంష్ కొత్త సినిమాతో  రెడీ అవుతున్నాడు. త్వరలోనే ఆ ప్రాజెక్ట్ కి సంబందించిన స్పెషల్ ఎనౌన్స్మెంట్ రానుంది. సినిమాకు రాజ్ దూత్ అనే టైటిల్ ను సెట్ చేసినట్లు సమాచారం.

కార్తీక్ - అర్జున్ అనే ఇద్దరు దర్శకులు ఈ సినిమాను డైరెక్ట్ చేస్తున్నారు. రొమాంటిక్ యూత్ఫుల్ లవ్ స్టోరీగా తెరకెక్కనున్న ఆ సినిమాలో మేఘంష్ మాస్ రోల్ లో కనిపించనున్నాడట.  మేఘంష్ తండ్రిలా మంచి సక్సెస్ ఫుల్ నటుడు అవ్వాలని ఆశిద్దాం. 


మరింత సమాచారం తెలుసుకోండి: