తమన్నా ఇండస్ట్రీకొచ్చి పదేళ్లు దాటిపోయిన ఇంకా సినిమాల్లో అవకాశాలును కొల్లగొడుతూనే ఉంది. సౌత్ లో దాదాపు పెద్ద స్టార్ హీరోలందరి సినిమాల్లోనూ నటించింది. సౌత్ భాషల సినిమాలే కాదు.. బాలీవుడ్ లో కూడా సినిమాలు చేసింది. కెరీర్ పరంగా చూసుకుంటే సీనియర్ అనిపిస్తుంది కానీ వయసు ఇంకా ముప్ఫై దాటలేదు. ఇప్పటికీ చేతిలో ఫుల్లుగా సినిమా ఆఫర్లు ఉన్నాయి. అయితే ఈ భామకు పెళ్ళి ఆలోచన లేదా?
ఈమధ్య ఒక ఇంటర్వ్యూ లో తమన్నాను పెళ్ళి గురించి అడిగితే "అది ఆగుతుంది లెండి" అంటూ సమాధానం ఇచ్చింది. ప్రస్తుతానికి తన ఫోకస్ అంతా సినిమాలపైనే ఉందని.. వివాహం చేసుకునేలోపు ఇంకా తను సాధించాలని అనుకునే గోల్స్ ఉన్నాయని చెప్పింది. తనకు డ్రైవింగ్ నేర్చుకోవాలని.. ఈత నేర్చుకోవాలని ఉందని తెలిపింది. ఒక నటిగా ఇవి ఎప్పుడో నేర్చుకొని ఉండాలిగా.. ఇన్ని రోజులు డ్రైవింగ్.. ఈత నేర్చుకోకుండా ఎలా మ్యానేజ్ చేసిందో ఏమో.
తన కోరికలు ఎప్పుడు తీరతాయో.. ఎప్పుడు డుండుంపీపీ ఘడియలు వస్తాయో.తమన్నా ఫ్యూచర్ ప్రాజెక్టుల సంగతి మాట్లాడుకుంటే ప్రస్తుతం 'సైరా' లో ఒక కీలక పాత్రలో నటిస్తోంది. బాలీవుడ్ 'క్వీన్' తెలుగు రీమేక్ 'దట్ ఈజ్ మహాలక్ష్మి' లో హీరోయిన్ గా నటిస్తోంది. ఈ సినిమా తో పాటు తమిళంలో సుందర్ సి. దర్శకత్వంలో మరో తమిళ చిత్రంలో నటిస్తోంది. ఇక హిందీ సినిమా 'ఖామోషి' జూన్ 14 న రిలీజ్ కానుంది.
