తారా సుతారియా.. బాలీవుడ్ కు కొత్తగా పరిచయమైనా నటి. ఈ నటికి ఓ వింత అనుభవం ఎదురైంది. స్టూడెంట్ అఫ్ ది ఇయర్ ఆమె తొలి సినిమా. ఇందులో ఆమెతోపాటు టైగర్ ష్రాఫ్, అనన్యా పాండే ప్రధాన తారాగణంగా నటించారు. పునీత్ మల్హోత్రా దర్శకత్వం వహించిన ఈ సినిమా మే 10న విడుదలై మంచి టాక్ అందుకుంది.
ఈ సినిమా చూసేందుకు థియేటర్కు వెళ్లినప్పుడు ఎదురైన ఓ ఘటనను తారా తాజాగా బయటపెట్టారు. తన పక్కన కూర్చుని ఉన్న ఇద్దరు అమ్మాయిలు.. తన గురించి చాలా చెడుగా మాట్లాడారని అన్నారు. ఓ సన్నివేశం చూసి వాళ్ళు అలా మాట్లాడుకున్నారట.
అయితే పక్కన ఉన్నది తానే అని వాళ్లకు తెలియదు. సినిమా పూర్తయ్యాక లైట్స్ వేశారట. ఆ తరువాత తనని చూసి ఆ అమ్మాయిలు షాక్ అయ్యారట. వాళ్ళవైపు చిరునవ్వి నవ్వి.. తారా వెళ్ళిపోయినట్టు చెప్పింది. సినిమాలో ఇన్వాల్వ్ అయ్యినపుడు ఇలాంటి సంఘటనలు జరుగుతూనే ఉంటాయి.
ప్రస్తుతం ఈ నటి మర్జావా సినిమాలో నటిస్తోంది. దీంతో పాటు తెలుగులో మంచి విజయం సాధించిన ఆర్ఎస్ 100 రీమేక్ లో కూడా నటించాల్సి ఉంది. తెలుగులో ఈ సినిమా బోల్డ్ కంటెంట్ తో అదరగొట్టింది. పాయల్ కు ఈ సినిమాతో బోల్డ్ హీరోయిన్ గా పేరు వచ్చింది.