ఫిల్మ్ మేకర్ బిల్ డ్యూక్ రేసెంటుగా చేసిన ట్వీట్ కోలీవుడ్లో హాట్ టాపిక్ అయింది. రజనీకాంత్ దర్బార్ సినిమా గురించి తెలుకున్న డ్యూక్ తనకు ఆ సినిమాలో ఏదైనా పాత్ర ఇవ్వాలంటూ మురుగదాస్కు బ్రతిమిలాడాడు. తనకు సూపర్ స్టార్తో నటించాలని ఉందని, ఏదైనా చిన్న పాత్ర ఇవ్వాలని కోరాడు. అమెరికాలో ఉంటున్న రజనీ కజిన్గానో, లేదంటే నయనతార అంకుల్గానో ఏదో ఒక పాత్ర ఇవ్వాలంటూ ట్వీట్ చేశాడు. డ్యూక్ ట్వీట్ చూసిన మురుగదాస్ ఆశ్చర్యపోయాడు. ‘‘సర్.. నిజంగా మీరేనా?’’ అని రిప్లేయ్ ట్వీట్ చేశాడు.
తమిళ సూపర్ స్టార్ రజనీకాంత్ ప్రస్తుతం ‘దర్బార్’ సినిమా షూటింగ్లో బిజీగా ఉన్నాడు. ఏఆర్ మురుగదాస్ దర్శకత్వం వహిస్తున్న ఈ సినిమాలో రజనీకాంత్ సుమారు రెండు సంవత్సరాల తర్వాత తిరిగి పోలీసుగా నటిస్తున్నాడు. రజనీకి జోడీగా నయనతార నటిస్తుండగా, బాలీవుడ్ నటుడు సునీల్ శెట్టి, ప్రతీక్ బబ్బర్, నివేథా థామస్, యోగి బాబు తదితరులు ప్రధాన పాత్రల్లో నటిస్తున్నారు.
తమిళ తలైవా రజినీతో నటించాలని ఎవరిమాత్రం ఉండదు! హీరోస్ మాత్రమే కాదు, హీరోయిన్ లు కూడా అతనితో నటించాలని ఉవ్విళ్లూరుతారు. 16 ఏళ్ళ పడుచు కూడా 70 చేరువవుతున్న అతనితో రొమాన్స్ చేయాలనీ ఆరాటపడుతూ వుంటారు, ఇక నటులది చెప్పేదేముంది! అతనితో నటించడం ఒక అదృష్టం అని అందరు అనుకుంటారు.