ఈ సినిమాలో హీరోయిన్ పాత్రకు ఇప్పటికే అనేకానేక పేర్లు వినిపించాయి. నిన్న మొన్నటి వరకు ఎబిసిడి సినిమా హీరోయిన్ రుక్సార్ థిల్లాన్ పేరు దాదాపు ఫైనల్ అయిందని కూడా ఒక వార్త ఫిల్మ్ నగర్లో హల్చల్ చేసింది. కానీ కాస్త నోటెడ్ హీరోయిన్ వుంటే బెటర్ అని ముందు నుంచి చిత్ర బృందానికి సలహాలు వినిపిస్తూనే వున్నాయి. ఎందుకంటే సాయిధరమ్ తేజ్ మార్కెట్ అంతంతమాత్రం. దానికితోడు నోటెడ్ హీరోయిన్ లేకుంటే, భారం అంతా డైరక్టర్ మారుతి మీదే పడుతుందని భావిస్తున్నారట.
అందుకే రుక్సార్ పేరు ఫైనల్ లిస్ట్ లో అలావుంచి, మరోపక్క కాస్త రీజనబుల్ బడ్జెట్ లో ఎవరు దొరుకుతారా? అన్న వేట అలా సాగిస్తూనే వున్నారట. ఇందులో భాగంగానే రాశీఖన్నా అంటే 75లక్షల రేంజ్ లో వుంటుంది రెమ్యూనిరేషన్. ఇప్పుడు అదే విషయమైన చర్చలు సాగుతున్నట్లు సమాచారం. అవి ఒక కొలిక్కి వస్తే, తేజు-మారుతి సినిమాకు లేటెస్ట్ గా రాశీఖన్నా పేరు ఫైనల్ లిస్ట్ లోకి వస్తుంది. ఇదే గనక ఫైనల్ అయితే మరోసారి తేజు-రాశి ఖన్నా ప్రేక్షకులను అలరించడానికి రెడీ అయిపోతారు.