ప్రియాంక ఈ మధ్య తన డ్రెస్సింగ్ వల్లన నిత్యం వార్తల్లో నలుగుతుంది. ఆ మధ్య ఆమె వేసుకున్న పొడవాటి గౌన్ ఎంత పాపులర్ అయిందో తెలిసిందే. తాజాగా ప్రపంచకప్‌లో ఇండియా-పాకిస్థాన్ మ్యాచ్‌కు వర్షం బెడద ఉందంటే.. ప్రియాంక తన గౌనుతో స్టేడియాన్ని కప్పుతున్నట్లుగా మార్ఫింగ్ చేసి కామెడీ చేశారు జనాలు. ఇక ఈ మధ్యే దయ్యాన్ని తలపించే ఒక అవతారంలో ప్రియాంక చేసిన రచ్చ అంతా ఇంతా కాదు.


ఆ లుక్‌లో ప్రియాంకను సడెన్‌గా చూస్తే జనాలు జడుసుకునేలా తయారైంది. ఇప్పుడు మరోసారి తన డ్రెస్సింగ్‌తో ప్రియాంక వార్తల్లో వ్యక్తిగా మారింది. దీనిపై జరిగిన ట్రోలింగ్ అయితే ఎపిక్ అనే చెప్పాలి.తాజాగా ప్రియాంక ఖాకీ షార్ట్స్‌ ధరించి తన భర్త నిక్‌ జొనాస్‌తో కలిసి వెళుతుండగా ఫొటోగ్రాఫర్లు క్లిక్‌మనిపించారు. ఆ ఖాకీ నిక్కరే ప్రియాంకపై ట్రోలింగ్‌కు కారణమైంది. ఆరెస్సెస్ కార్యకర్తలు ఇలాంటి నిక్కర్లే వేస్తారన్న సంగతి తెలిసిందే.


దీంతో ప్రియాంక ఎప్పుడు ఆరెస్సెస్‌లో చేరిందంటూ నెటిజన్లు కామెంట్లు చేయడం మొదలుపెట్టారు. ‘ప్రియాంక ఆరెస్సెస్‌లో చేరిందా?లేకపోతే ఆమె ఆరెస్సెస్‌కు బ్రాండ్ అంబాసిడర్‌గా వ్యవహరిస్తోందా?’ అంటూ ఒక నెటిజన్ కామెంట్ చేశాడు. రెండేళ్ల క్రితం ప్రియాంక.. ప్రధాని నరేంద్ర మోదీని జర్మనీలో కలిసిందని.. అప్పుడే ఆరెస్సెస్‌లో చేరే విషయమై వీరి మధ్య చర్చ జరిగి ఉండొచ్చని మరో నెటిజన్ అన్నాడు. ఇలా ఎవరి స్టయిల్లో వాళ్లు ప్రియాంకను ట్రోల్ చేస్తున్నారు. 

మరింత సమాచారం తెలుసుకోండి: