చిత్ర పరిశ్రమలో కుర్రహిరోల జోరు ఎక్కువగా ఉంటుంది. తెలుగులో ఈ హావా మరింత ఎక్కువగా సాగుతుంది. 'క్షణం'.. 'గూఢచారి' చిత్రాలతో తనకంటూ ఒక ప్రత్యేకత ఉందని చాటిన అడివి శేష్ తాజాగా 'ఎవరు' అనే సస్పెన్స్ థ్రిల్లర్ మూవీతో ప్రేక్షకుల ముందుకు రానున్నాడు. ఈ సినిమా ప్రీ లుక్ ను కొద్దిసేపటి క్రితం విడుదల చేశారు. గతంలో రాంచరణ్ అల్లు అర్జున్ నటించిన 'ఎవడు' అనే చిత్రం విజయం సాధించుకుంది.
ప్రస్తుతం 'ఎవరు' ప్రీ లుక్ లో కథకు సంబంధించిన విశేషాలు ఏవీ వెల్లడించలేదు కానీ ఈ సినిమాలో శేష్ ఒక పోలీస్ ఆఫీసర్ పాత్రలో నటిస్తున్న సంగతిని మాత్రం రివీల్ చేశారు. ఈ ప్రీ లుక్ పోస్టర్ లో శేష్ ఒక పోలీస్ యూనిఫామ్ లో ఉన్నాడు. చిత్రంలో 'విక్రమ్ వాసుదేవ్' పాత్రలో శేష్ నటిస్తున్నట్టు అయన యూనిఫామ్ పై ఉన్న బాడ్జ్ చెప్తోంది. కూలింగ్ గ్లాసెస్ ధరించి స్టైలిష్ గా కనిపిస్తున్నాడు. ఈ పోస్టర్ లో 'జులై 11 న ఫస్ట్ లుక్ విడుదల' అంటూ ఫస్ట్ లుక్ రిలీజ్ చేసే డేట్ ను వెల్లడించారు.
ఈ సినిమాలో రెజీనా కసాండ్రా.. మురళి శర్మ.. ఇతర కీలక పాత్రల్లో నటించారు. ఈ చిత్రానికి సంగీతం అందించినవారు శ్రీచరణ్ పాకాల. వెంకట్ రాంజీ దర్శకత్వంలో తెరకెక్కిన ఈ చిత్రాన్ని పీవీపీ సినిమాస్ బ్యానర్ పై నిర్మించారు. 'క్షణం' తర్వాత పీవీపీ బ్యానర్ లో అడివి శేష్ మరోసారి నటిస్తున్న సినిమా ఇది. మరి 'క్షణం' తరహాలోనే పీవీపీ బ్యానర్ కు మరో విజయాన్ని అందిస్తుందా లేదా అనేది వేచి చూడాలి.
