మాలీవుడ్ బ్యూటీ అమలాపాల్ ప్రముఖ దర్శకుడు ఏఎల్ విజయ్ ప్రేమించి పెళ్లి చేసుకున్న సంగతి తెలిసిందే. కానీ వీళ్ల బంధం ఎక్కువరోజులు కొనసాగలేదు. కుటుంబంలో గొడవలు మొదలవ్వడంతో ముందుగా అమలాపాలే బ్రేకప్ చెప్పేసింది. మొన్నటివరకు కేవలం సినిమాలో లోకంగా బతికిన దర్శకుడు ఏఎల్ విజయ్ ఇప్పుడు మరోసారి తన వ్యక్తిగత జీవితంపై దృష్టిపెట్టాడు. ఈ దర్శకుడు రెండో పెళ్లి చేసుకోబోతున్నట్లు ఆమద్య ప్రకటించిన విషయం తెలిసిందే. ఇక అమలాపాల్ కూడా పూర్తిగా సినిమాలపైనే దృష్టి కేంద్రీకరించింది.
ఈమె నటించిన ‘ఆమె’ సినిమాలో న్యూడ్ గా నటించిన సంచలనం సృష్టించిది. మన్నివన్నన్ ప్రాంతానికి చెందిన ఐశ్వర్య అనే డాక్టర్ తో విజయ్ వివాహం జరగబోతోంది ఇటీవల తెగ వార్తలు వచ్చాయి. దర్శకుడు ఏఎల్ విజయ్ ఫైనల్ గా ఆ రూమర్స్ కి దర్శకుడు పెళ్లితో ఎండ్ కార్డ్ వేశాడు. గురువారం ఎలాంటి హడావుడి లేకుండా కుటుంబ సభ్యుల సమక్షంలో విజయ్ చెన్నైకి చెందిన అమ్మాయిని పెళ్లి చేసుకున్నాడు.
కాగా, విజయ్ డైరెక్ట్ చేసిన నాన్న సినిమాలో తొలిసారి నటించిన అమలాపాల్ అప్పుడే విజయ్ ప్రేమలో పడింది. గ్రాండ్ గా పెళ్లి చేసుకున్న రెండేళ్లకే కెరీర్ దృష్ట్యా ఇద్దరికి వ్యక్తిగత అభిప్రాయ బేధాలు రావడంతో విడిపోయినట్లు సమాచారం. ప్రస్తుతం ఈ దర్శకుడు తమిళనాడు మాజీ ముఖ్యమంత్రి జయలలిత జీవిత చరిత్రను సినిమాగా తీసే పనిలో బిజీగా ఉన్నాడు.
కంగనారనౌత్ ఇందులో లీడ్ రోల్ పోషించబోతోంది. ఈ సినిమా సెట్స్ పైకి రాకముందే పెళ్లి చేసుకోవాలని అనుకుంటున్నాడు ఏఎల్ విజయ్. ఇది ప్రేమపెళ్లి కాదని, పెద్దలు కుదిర్చిన పెళ్లని స్వయంగా విజయ్ ప్రకటించాడు.
