తమన్నా భాటియా మిల్క్ బ్యూటీ. ఇండస్ట్రీకొచ్చి పదేళ్లు దాటిపోయినా ఇంకా స్టార్ హీరోయిన్ గా కొనసాగుతుంది. అంతే కాదు ఈ జెనరేషన్ హీరోయిన్ల లాగానే సోషల్ మీడియాలో చాలా యాక్టివ్. ట్విట్టర్ లో దాదాపు నాలుగు మిలియన్లు ఇన్స్టాలో ఎనిమిది మిలియన్ల ఫాలోయర్లు ఉన్నారు. అందుకే వారందరినీ మురిపిస్తూ అందమైన ఫోటోలు పోస్ట్ చేస్తూ ఉంటుంది. తాజాగా మరోసారి ఒక ఫోటో షూట్ చేసి.. ఆ ఫోటోలను తన ఇన్స్టా ఖాతా ద్వారా పంచుకుంది.
ఈ ఫోటోలకు "బోలె చూడియా కాన్ఫరెన్స్ కోసం" అంటూ క్యాప్షన్ ఇచ్చింది. తమన్నా ప్రస్తుతం నవాజుద్దిన్ సిద్ధిఖి హీరోగా నటిస్తున్న 'బోలె చూడియా' అనే సినిమాలో హీరోయిన్ గా నటిస్తోంది. ఆ సినిమాకు సంబంధించిన ప్రెస్ మీట్ కోసం ఇలా తయారయిందట. బ్లూ కలర్ డ్రెస్ లో బుట్టబొమ్మలాగా కనిపిస్తోంది. లూజ్ హెయిర్.. చెవులకు అందమైన హ్యాంగింగ్ ఇయర్ రింగ్స్.. ఒక చేతికి మాత్రమే బ్యాంగిల్స్ ధరించి సూపర్ స్టైలిష్ గా ఉంది.
మేకప్.. లిప్ స్టిక్ కూడా పర్ఫెక్ట్ గా సెట్ అయ్యాయి. సహజంగా బాలీవుడ్ భామలు ఫోటో షూట్స్ అంటే చాలు అందాల వడ్డన.. చీరలను ఆరేసుకోవడం లాంటివి చేస్తుంటారు. కానీ తమన్నా మాత్రం అదంతా లేకుండా.. స్కిన్ షో ఏమాత్రం చేయకుండా తన అందంతో మెస్మరైజ్ చేస్తోంది.ఈ ఫోటోలకు నెటిజన్లు సూపర్ కామెంట్లు పెట్టారు. "వెరీ వెరీ బ్యూటిఫుల్".. "ఏ డ్రెస్సు వేసుకున్నా నువ్వు సూపర్ తమ్మూ".. "ఏంజెల్ ఇన్ బ్లూ డ్రెస్".. "సో క్యూట్.. ప్రెట్టియస్ట్ డ్రెస్".. "స్వీటెస్ట్ డ్రెస్ లో స్వీట్ హార్ట్" అంటూ క్యాప్షన్స్ ఇచ్చారు.
