‘కుమారి 21 F’ చిత్రంతో నటిగా గుర్తింపు పొందిన హెబ్బా పటేల్.. ఇటీవల ‘24 కిస్సెస్’ అంటూ వెండితెరపై ముద్దుల జాతర చేసింది. ఆ చిత్రంతో బోల్డ్ నటిగా ముద్ర వేసుకున్న హెబ్బా పటేల్ ఎంత ఆరబోసినా ఆఫర్స్ మాత్రం వరించడం లేదు. ఈ తరుణంలో ఆమెకు బూస్టింగ్ ఇస్తూ.. ‘భీష్మ’ చిత్రంలో అవకాశం కల్పించారు యంగ్ హీరో నితిన్.
నితిన్, రష్మిక హీరో హీరోయిన్లుగా నటిస్తున్న ‘భీష్మ’ చిత్రం శరవేగంగా షూటింగ్ జరుపుకుంటుంటోంది. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్న ఈ చిత్రానికి ‘ఛలో’ ఫేమ్ వెంకీ కుడుముల దర్శకత్వం వహిస్తున్నారు. ప్రస్తుతం హైదరాబాద్‌లో షూటింగ్ జరుపుకుంటున్న ఈ చిత్రంలో ‘కుమారి’ హెబ్బా పటేల్ జాయిన్ అయినట్టుతెలుస్తోంది.
‘భీష్మ’ చిత్రంలో ప్రాధాన్యత ఉన్న పాత్రలో నటిస్తోందట హెబ్బా పటేల్. ఆమె కోసం ఓ ఐటమ్ సాంగ్‌ను కూడా రూపొందిస్తున్నాడట దర్శకుడు. అసలే ఆఫర్లు లేక ఫొటో షూట్‌లతో అలిసిపోతున్న హెబ్బాకు ‘భీష్మ’తో ఉపశమనం కలిగించాడట నితిన్. మరి ఈ సినిమాతో అయితే కుమారి బౌన్స్ బ్యాక్ అవుతుంతో లేదో చూడాలి. అన్నట్టు ఈ ముద్దుల సుందరి బిగ్ బాస్‌కి హౌస్‌కి వెళ్లబోతుందంటూ ప్రచారం నడుస్తోంది. బిగ్ బాస్ ఈనెల 21 నుండి ప్రారంభం కానుండటంతో హెబ్బా బిగ్ బాస్ హౌస్‌కి టాటా చెప్పేసినట్టే కనిపిస్తోంది. అసలు విషయం ఏంటన్నది మరో వారంలో తెలిసిపోనుంది.
