అల్లరి నరేష్ నటించిన కిత కితలు మూవీలో నటించిన గీతా సింగ్ తర్వాత ఎన్నో సినిమాల్లో క్యారెక్టర్ ఆర్టిస్టుగా, లేడీ కమెడియన్ గా నటించి మెప్పించింది.  బుల్లితెరపై తన ప్రస్థానం మొదలు పెట్టిన గీతాసింగ్ తర్వాత వెండి తెరపై ఎన్నో సినిమాల్లో నటించింది.  హాస్యనటిగా ప్రేక్షకులను అలరిస్తూ వస్తోన్న గీతా సింగ్, కెరియర్ పరంగా తనకి ఎదురవుతోన్న ఇబ్బందులను గురించి ప్రస్తావించారు. ఓ ఇంటర్వ్యూలో ఆమె మాట్లాడతూ..తన జీవితంతో ఈ స్థాయికి రావడానికి ఎన్నో బాధలు పడ్డానని చెప్పింది.

ఇండస్ట్రీలో వేషాలు రాకపోతే ఒక బాధ .. వేషం వేసినా అందుకు సంబంధించిన పారితోషికం అందకపోతే మరో బాధ. సినిమాలకి,  ఈవెంట్లకి సంబంధించిన డబ్బులు చాలా వరకూ రావలసి ఉన్నాయని వారిని గట్టిగా అడగలేని పరిస్థితని ఒక ఆడపిల్ల గడపదాటి బయటకు వచ్చిందంటే ఎన్ని ఇబ్బందులు ఉంటాయో అని వారు ఇప్పటికీ అర్థం చేసుకోలేక పోతున్నారని అన్నారు. ఒకే ఫీల్డులో ఉంటూ గట్టిగా అడగలేము, మరెవరికీ ఫిర్యాదు చేయలేము అంటూ ఆవేదన వ్యక్తం చేశారు. 

ఒకప్పటితో పోలిస్తే ఇటీవల అవకాశాలు బాగా తగ్గిపోయాయి. రెండు మూడు రోజుల పాటు చేసే పాత్రలు కూడా రావడం లేదని బాధపడింది. చిత్రపరిశ్రమలో తమకు తెలిసిన దర్శక నిర్మాతలను అడిగితే మీకు ఛాన్సు తప్పకుండా ఇస్తామంటారు తర్వా మొఖం చాటేస్తారు.  ఇక కొత్తగా చాలామంది దర్శకులు వస్తున్నారు. వాళ్లలో కొంతమంది మాలాంటి ఆర్టిస్టులకు కనీస మర్యాద ఇవ్వడం లేదు.

ఆ మద్య ఓ దర్శకుడి వద్దకు వెళ్తే ఘోరంగ అవమానించాడని..నాకు కూడా ఆడిషన్ చేస్తామన్నారు. అక్కడ నాకన్నా మరో సీనియర్ నటిని చూసి ఆమె ఎంతో సేపటి నుంచి వెయిట్ చేస్తుందని తెలుసుకొని, చాలా బాధవేసి అక్కడ నుంచి వెళ్లిపోయానని ఆవేదన వ్యక్తం చేశారు. 


మరింత సమాచారం తెలుసుకోండి: