సోనమ్ కపూర్ బాలీవుడ్ లో ఫ్యాషన్ ఐకాన్ . నిరంతరం సోషల్ మీడియాలో యాక్టీవ్ గా ఉంటూ హాట్ ఫొటోస్ ను షేర్ చేస్తుంటుంది.  తన రోజువారీ విషయాలతో పాటు వ్యక్తిగత వివరాలను అభిమానులతో పంచుకుంటూ ఉంటుంది. ఇందులో భాగంగానే ఆమె ఎక్కడికి వెళ్లినా.. ఏం చేసినా వెంటనే తన సోషల్ మీడియా ఖాతాలలో అప్‌డేట్ చేస్తూ ఉంటుంది. అయితే బాయ్ ఫ్రెండ్ ఆనంద్ ఆహూజాతో వివాహం అయిన తర్వాత కూడా సోనమ్ స్టైలిష్ ఫోటోషూట్లకు గ్లామర్ ప్రదర్శనలకు ఏమాత్రం అడ్డుకట్ట పడలేదు. 


నిజం చెప్పాలంటే మునుపటికంటే ఘాటుగా ఫోటో షూట్లు చేయడం మొదలుపెట్టింది సోనమ్. ఈమధ్య అదే ట్రెండ్ కంటిన్యూ చేస్తూ ఒక కత్తిలాంటి డ్రెస్ ధరించి ఫోటో షూట్లో పాల్గొంది. ఆ ఫోటోలను తన ఇన్స్టా ఖాతాలో ఉన్న ఇరవై మిలియన్లకు పైగా ఫాలోయర్లతో పంచుకుంది. ఈ ఫోటోలలో లైట్ గ్రీన్ కలర్ గౌన్ ధరించి అందాల విందు చేస్తూ కెమెరాకు పోజులిచ్చింది. జుట్టును కొప్పుకట్టి.. మ్యాచింగ్ ఇయర్ రింగ్స్ ధరించి ఓ హాలీవుడ్ నటీమణి తరహాలో వగలుపోయింది.


  మెడలో ఒక బ్లాక్ స్ట్రాప్ లాంటి యాక్సెసరీ ధరించింది. ఓవరాల్ గా సోనమ్ హాట్ నెస్ తో.. స్టైల్ తో ఎవరూ పోటీ పడలేరని మరోసారి నిరూపించింది.ఈ ఫోటోలకు లైక్ కొట్టినవారిలో దియా మిర్జాలాంటి బాలీవుడ్ హీరోయిన్లు ఉన్నారు. ఇక సోనమ్ ఫ్యూచర్ ప్రాజెక్టుల విషయానికి వస్తే ప్రస్తుతం 'ది జోయా ఫ్యాక్టర్' అనే  రొమాంటిక్ డ్రామాలో నటిస్తోంది.  

మరింత సమాచారం తెలుసుకోండి: