తెలుగు టెలివిజన్ రంగంలో ఇప్పటి వరకు ఎన్నో రియాల్టీ షోలు వచ్చాయి. అందులో అందరి మనసు దోచింది బిగ్ బాస్. బిగ్ బాస్ సీజన్ 1 కి ఎన్టీఆర్ హూస్ట్ గా వ్యవహరిస్తే..బిగ్ బాస్ 2 కి నేచురల్ స్టార్ నాని హూస్ట్ గా వ్యవహరించారు. ఇప్పుడు బిగ్ బాస్ 3 సీజన్ కి అక్కినేని నాగార్జున హూస్ట్ గా వ్యవహరిస్తున్నారు. ఇటీవల దీనికి సంబంధించిన ప్రోమోలు రిలీజ్ అవుతూ వస్తున్నాయి.
అయితే బిగ్ బాస్ 3 ఇంకా మొదలే కాలేదు అప్పుడు కాంట్రవర్సీలు ఎదుర్కొంటుంది. బిగ్ బాస్ 3 లో కాస్టింగ్ కౌచ్ జరుగుతుందని, యాంకర్ శ్వేతారెడ్డి, నటి గాయత్రి గుప్త కేసులు పెట్టారు. ఈ షో మహిళలను కించపరిచే విధంగా ఉందని, దీన్ని రద్దు చేయకపోతే నాగార్జున ఇంటిని ముట్టడిస్తామని ఓయూ ఐక్య విద్యార్థి సంఘాలు హెచ్చరించిన విషయం తెలిసిందే.
ఈ నేపథ్యంలో నాగార్జున ఇంటి వద్ద ప్రొటెక్షన్ ఎక్కువగా చేశారు. హైదరాబాద్, జూబ్లీహిల్స్ రోడ్ నెం.46 లోని నాగార్జున నివాసం వద్ద ఈరోజు సాయంత్రం నుంచి బందోబస్తు ఏర్పాటు చేశారు. ఈ సందర్భంగా అనుమానిత వ్యక్తులను, వాహనాలను తనిఖీలు చేస్తున్నారు.
