జబర్ధస్త్ కామెడీ షోతో పరిచయం అయిన వినోద్ పై నిన్న దాడి జరిగిన విషయం తెలిసిందే.  జబర్ధస్త్ లో ఆడవారి వేషం వేస్తూ ఎన్నో హిట్ స్కిట్స్ లో అలరించిన వినోద్ (వినోదిని) గా పేరు తెచ్చుకున్నారు.  అయితే వినోద్ ఆ మద్య ఓ వివాదంలో వార్తల్లోకి ఎక్కారు.  తనకు బలవంతంగా పెళ్లి చేస్తున్నారని ఆత్మహత్యాయత్నం కూడా చేశారు.  తాజాగా ఆయనపై ఇంటి ఓనరే దాడి చేయడం పెను సంచలన రేపింది. 

అయితే వినోద్ పై ఇంటి ఓనర్ ఇంటి కొనుగోలు విషయంలోనే అటాక్ చేసినట్లు వినోద్ తెలిపారు.  గతంలో తాను ఉంటున్న ఇంటిని సగం వరకు అమ్మేందుకు ప్రమీళ అనే ఇంటి ఓనర్ తన వద్ద డబ్బు తీసుకుందని..ఇప్పుడు ఇల్లు తనకు రిజిస్ట్రేషన్ చేయాలని అడిగితే రివర్స్ అయ్యిందని..తనతో మాట్లాడాలని ఇంట్లోకి పిలిచి తనపై ఐదుగురు ఎటాక్ చేశారని..ఒకదశలో చంపేయాలని చూశారని వినోద్ ఆవేదన వ్యక్తం చేస్తున్నాడు వినోద్.  ఎడమ కంటి భాగంపై బాగా దెబ్బలు తగిలాయి. తనపై దాడి చేసిన ఇంటి ఓనర్ పై కాచిగూడ పోలీస్ స్టేషన్ లో వినోద్ ఫిర్యాదు చేశాడు.

కేసు నమోదు చేసిన పోలీసులు దర్యాప్తు ప్రారంభించారు. ఇంటి ఓనర్ ను పోలీస్ స్టేషన్ కు పిలిపించుకుని, విచారిస్తున్నారు.  ప్రస్తుతం ఇంటి ఓనర్ ని అదుపులోకి తీసుకొని పోలీసులు విచారణ చేస్తున్న విషయం తెలిసిందే. 


మరింత సమాచారం తెలుసుకోండి: