‘రేయ్.. బిగ్ బాస్ రారా బయటకి..!! బిగ్ బాస్ సీజన్ 2లో అత్యంత పాపులర్ అయిన డైలాగ్ ఇదే. ఈ డైలాగ్ అన్నది ఎవరో కాదు.. హ్యూమన్ యాక్టివిస్టు బాబుగోగినేని. బిగ్ బాస్ సీజన్ 2 కంటెస్టెంట్‌గా హౌస్‌లో ఎంట్రీ ఇచ్చిన ఈయన వింత ప్రవర్తనతో తన మేధావి తనాన్ని చూపించేవారు. కౌశల్‌పై బిగ్ బాస్ ఇంట బయటా కాలు దువ్విన ఈయన బిగ్ బాస్ హౌస్‌కి వెళ్లిన అప్పటి 17 మంది కంటెస్టెంట్స్‌లో చాలా రిఫరెంట్. హౌస్‌తో పాటు బయటకూడా ఆయన్ని కొందరు మేధావి అంటే.. మరికొందరు ఆయన తీరును విమర్శిస్తూ ఉంటారు. ఇక బిగ్ బాస్ హౌస్‌కి వెళ్లిన తరువాత కూడా రూల్స్ మాట్లాడుతూ.. మేధావితనం ప్రదర్శిస్తూ కొన్ని టాస్క్‌ల నుండి తప్పించుకుని విమర్శలు ఎదుర్కొన్నారు బాబు గోగినేని.
ఇంతకీ ఇప్పుడు ఈయనెందుకు గుర్తొచ్చారు సడెన్‌గా అంటే.. ఆయన లాంటి మేధావి వర్గానికి చెందిన ఒక వ్యక్తి ఇప్పుడు బిగ్ బాస్ హౌస్‌లో ఎంట్రీ ఇవ్వబోతున్నారట. ఆయనే టీవీ 9 జాఫర్. నేటి నుండి నాగార్జున హోస్ట్ చేస్తున్న బిగ్ బాస్ సీజన్ 3 స్టార్ మాలో రాత్రి 9 గంటలను నుండి ప్రసారం కాబోతుంది.
ఇక 100 రోజుల పాటు బిగ్ బాస్ హౌస్‌లో కొట్టుకుని తిట్టుకుని అప్పుడప్పుడూ బోర్ కొట్టినప్పుడు ఎంటర్‌టైన్ చేసే బిగ్ బాస్ కంటెస్టెంట్స్ ఎవరన్నదానిపై ప్రేక్షకుల్లో ఆసక్తి ఉంది. అయితే సీజన్ 1తో పోల్చుకుంటే.. సీజన్ 2లో కంటెస్టెంట్స్ వీక్ అనే ప్రచారం ఉంది. నిజం కూడా అదే కాని.. చివర్లో కౌశల్ వివాదంతో అనుకోకుండా హైప్ వచ్చింది. అయితే ఈసారి కంటెస్టెంట్స్ వీక్ అనే మాట రాకుండా ఉండేందుకు స్టార్ మా.. కాస్త క్రేజీ కంటెస్టెంట్స్‌కి జల్లెడ వేసిందని తెలుస్తోంది. అయితే రాత్రి బిగ్ బాస్ హౌస్‌కి వచ్చే కంటెస్టెంట్స్ వీరే అంటూ ఓ 15 పేర్లు లీక్ అయ్యాయి. ఇందులో దాదాపు చాలా పేర్లు ఖరారు అయ్యే అవకాశం ఉండగా.. ఇందులో ప్రముఖంగా ఆసక్తికలిగించే పేరు ఒకటి ఉంది అదే జాఫర్.
టీవీ 9 యాంకర్‌గా ‘ముఖాముఖి’ కార్యక్రమంతో నేతల్ని, సెలబ్రిటీలను గుచ్చి గుచ్చి ప్రశ్నలు అడుగుతూ.. యాంకర్ అంటే ఇలా కూడా వ్యవహరించవచ్చా అనేట్టుగా మీడియాలో కొత్త ఒరవడికి నాంది పలికారు. జబర్దస్త్ కామెడీ షో లో సైతం ఇతనిపై స్కిట్స్ వచ్చాయంటే ఇతని యాంకరింగ్‌లో ఎంత వైవిధ్యం, కామెడీ ఉంటుందో అర్ధం చేసుకోవచ్చు.
గత సీజన్లో టీవీ 9 నుండి ‘అవునా.. నిజమా’ యాంకర్ దీప్తి నల్లమోతు కంటెస్టెంట్‌గా వచ్చి.. నాన్ స్టాప్ న్యూస్ ప్రజెంటేషన్ ఇచ్చింది. ఇప్పుడు సీజన్ 3లో ఆమె ప్లేస్‌లో టీవీ 9 జాఫర్ రాబోతున్నారట. ఆయన నిజంగానే బిగ్ బాస్ హౌస్‌కి వస్తారా? లేదా? అన్నదానిపై మరికొన్ని గంటల్లో తేలిపోనుండగా.. జాఫర్‌పై అప్పుడే సెటైర్లు పేలుతున్నాయి.
బిగ్ బాస్ సీజన్ 3 కంటెస్టెంట్స్ వీరే అంటూ.. సీజన్ 2 కంటెస్టెంట్ కత్తి మహేష్ 14 మందితో లిస్ట్‌ను విడుదల చేశారు. ఇందులో టీవీ 9 జాఫర్ పేరు ఉండటంతో.. ‘బాబోయ్!! బిగ్ బాస్‌లో టీవీ 9 జాఫరా.. అతనికి మూడింది.. బహుషా మీడియా ఇదే అతని చివరి ఉద్యోగం అయి ఉంటుంది. బిగ్ బాస్ హౌస్‌లో యాటిట్యూట్ చూపిస్తే పరిస్థితి బాబు గోగినేనిలా ఉంటుంది. ఇలాంటి వాళ్లకు రియాలిటీ షోలు కరెక్ట్ కావు.. అయిపోయాడు RIP ఇన్ అడ్వాన్స్’ జాఫర్‌ని వెళ్తొద్దు బాస్ అంటూ హెచ్చరిస్తున్నారు నెటిజన్లు. మరి చూడాలి. బిగ్ బాస్‌లో జాఫర్ ఉన్నాడో... ఉంటే చివరి వరకూ ఉంటాడో.. మధ్యలోనే ఊడుతాడో.
