ఈ మద్య సోషల్ మీడియాతో రక రకాల ఛాలెంజ్ కార్యక్రమాలు వస్తున్నాయి.  గతంలో ఐస్ బకెట్,కీకీ ఛాలెంజ్ ఈ మద్య బాటిల్ ఛాలెంజ్ ఇలా ఎన్నో వినూత్న ఛాలెంజ్ లో సోషల్ మీడియాలో వస్తున్నాయి.  పాపులర్ సెలబ్రెటీలు ఇలాంటి ఛాలెంజ్ విసరడం ఇది కాస్త సామాన్య ప్రజలు సీరియస్ గా తీసుకోవడం జరుగుతుంది. కొన్ని సార్లు ఇలాంటి ఛాలెంజ్ ల వల్ల ప్రాణ నష్టాలు కూడా జరిగాయి. 

ముఖ్యంగా స్టంట్ కి సంబంధించిన ఛాలెంజ్ లో నిపుణుల సమక్షంలో చేయకుండా సొంతంగా ప్రయోగాలు చేసి ప్రాణాల మీదకు తెచ్చుకుంటున్నారు.  తాజాగా  బాలీవుడ్ నటుడు విద్యుత్ జామ్వాల్ చేసిన ఫీట్‌కు సంబంధించిన వీడియో వైరల్‌గా మారింది. అయితే ఈ హీరో చేసిన ఫీట్ చాలా విచిత్రంగా ఉంది..అంతే కాదు మనం రోజూ తినే గుడ్డుకు ఎంత పవర్ ఉందూ అని నిరూపించారు. 

విద్యుత్ జామ్వాల్ తన గుప్పెట్లో ఒక గుడ్డు ఉంచుకుని, ఇటుకను పగుల గొట్టాడు. అయితే ఇక్కడ విశేషమేమంటే ఈ ఫీట్‌లో ఇటుక పగిలినా గుడ్డు నిక్షేపంగానే ఉంది. ఈ వీడియోను విద్యుత్ జామ్వాల్ తన ఇన్‌స్టాగ్రామ్ అకౌంట్‌లో ‌పోస్టు చేస్తూ ‘ఐదవ జాకీ చాన్ ఇంటర్నేషనల్ ఫిల్మ్ వీక్’కు ఈ వీడియో సమర్పితం’ అని రాశారు.  ఈ సందర్బంగా  విద్యుత్ జామ్వాల్ మాట్లాడుతూ ఈ ఛాలెంజ్ స్వీకరించేందుకు తనకు జాకీచాన్ స్ఫూర్తి అని తెలిపారు.


మరింత సమాచారం తెలుసుకోండి: