ఒకప్పుడు శంకర్ సినిమాలు విపరీతమైన క్రేజ్ ఉండేది. సినిమాలు వరసగా హిట్టయ్యేవి. ఇప్పుడు ఆ పరిస్థితి కనిపించడం లేదు. రోబో తరువాత ఆ స్థాయి హిట్ శంకర్ రాలేదు. ఐ, 2పాయింట్ 0 సినిమాలు అనుకున్నంతగా హిట్ కాలేదు.
భారతీయుడు 2 సినిమా స్టార్ట్ అయ్యి ఆగిపోయింది. కారణం బడ్జెట్ సమస్యలు. 2పాయింట్ 0 సినిమాకు బడ్జెట్ ఎక్కువ కావడంతో... ఇండియన్ 2 కు లిమిటెడ్ బడ్జెట్ ఇచ్చారట. కానీ, అందులో సినిమా చేయడం కుదరదని శంకర్ చెప్పారు. దీంతో ఆ సినిమాను పక్కన పెట్టారు.
సూర్యా తో శంకర్ ఇప్పటి వరకు సినిమా చేయలేదు. అందుకోసమే తక్కువ బడ్జెట్ లోనే లైకా ప్రొడక్షన్స్ లో ఓ సినిమా చేసేందుకు రెడీ అయ్యాడు. కాప్పన్ ఆడియో వేడుకలో లైకా ప్రొడక్షన్స్ తో పాటు శంకర్, రజినీకాంత్ కూడా హాజరయ్యారు. సినిమాను ప్రమోషన్ చేస్తున్నారు.
సూర్యతో సినిమా దాదాపుగా కన్ఫర్మ్ అయ్యిందని, త్వరలోనే సెట్స్ మీదకు వెళ్తుందని అంటున్నారు. ఈ విషయాన్ని లైకా, శంకర్ లు అధికారికంగా ప్రకటించాల్సి ఉంది. ఇండియన్ 2 కంటే ముందు ఈ సినిమాను కంప్లీట్ చేసి రిలీజ్ చేస్తారని మరో టాక్.
