ఒకప్పటి స్టార్ హీరోయిన్లు ఇప్పుడు అమ్మ, అత్త పాత్రల్లో నటిస్తున్నారు. ప్రముఖ నటి రేవతి సెకండ్ ఇన్నింగ్స్ ప్రారంభించిన తర్వాత అమ్మ, అత్త పాత్రల్లో నటిస్తుంది. ఇక తమిళ స్టార్ హీరో సూర్య సతీమణి నటి జ్యోతి వివాహం తర్వాత సినిమాలకు గుడ్ బాయ్ చెప్పింది. ఈ మద్య జ్యోతిక సెకండ్ ఇన్నింగ్స్ ప్రారంభించింది. తాజాగా రేవతి, జ్యోతిక మెయిన్ లీడ్స్‌గా తమిళ్‌లో 'జాక్ పాట్' అనే సినిమా రాబోతుంది. గులేబకావళి (2018) ఫేమ్ కళ్యాణ్ డైరెక్ట్ చెయ్యగా, 2డి ఎంటర్‌టైన్‌మెంట్ బ్యానర్‌పై సూర్య నిర్మించాడు.
ఈ మూవీకి సంబంధించిన ఫస్ట్ లుక్ ఇటీవల రిలీజ్ చేశారు. ‘జాక్ పాట్ ’ థియేట్రికల్ ట్రైలర్ విడుదల చేసింది మూవీ టీమ్. ఈ ట్రైలర్ లో రేవతి, జ్యోతిక తమ విశ్వరూపం చూపించారు..స్టార్ హీరోలకు ఏమాత్రం తగ్గకుండా మాస్ యాక్షన్ తో దుమ్మురేపారు. ఇక జ్యోతిక అయితే ఫైట్స్ కూడా బాగా ఇరగదీసినట్లు కనిస్తుంది. కామెడీ, యాక్షన్ తో పాటు సెంటిమెంట్ కూడా ఈ ట్రైలర్ లో కనిపిస్తుంది.
'నాన్ కడవుల్' రాజేంద్రన్, ఆనంద్ రాజ్, మన్సూర్ అలీ, యోగిబాబు కీలక పాత్రలు పోషించగా, నటుడు, దర్శకుడు సముద్రఖని స్పెషల్ రోల్ చేసాడు. ఈ మూవీ మరో విశేషం ఏంటేంటే కేవలం 35 రోజుల్లోనే షూటింగ్ పూర్తి చేసుకున్నారట. ప్రస్తుతం పోస్ట్ ప్రొడక్షన్ వర్క్ జరుపుకుంటున్న జాక్ పాట్ ఆగష్టు 2న గ్రాండ్‌గా రిలీజ్ కానుంది. సంగీతం : విశాల్ చంద్రశేఖర్, కెమెరా : ఆనంద్ కుమార్, కో-ప్రొడ్యూసర్ : రాజ్‌శేఖర్ కర్పూర సుందర పాండియన్.
