ఈ మద్య సెలబ్రెటీలకు రూమర్ల గోల మామూలుగా లేదు. ముఖ్యంగా సోషల్ మీడియాలో సెలబ్రెటీలకు సంబంధించిన ఏ చిన్న విషయమైనా వెంటనే వైరల్ కావడం కామన్ అయ్యింది. అయితే రూమర్లు అంటేనే కాంట్రవర్సీ అని అర్ధం అలాంటి కాంట్రవర్సీల వల్ల కొన్ని సార్లు సెలబ్రెటీలు చాలా ఇబ్బందుల్లో పడ్డ సంఘటనలు జరిగాయి. ముఖ్యంగా పర్సనల్ విషయాలు, ఆరోగ్యానికి సంబదించిన రూమర్స్ వంటివి అందరినీ బాధిస్తాయి. కుటుంబ సభ్యుల్లో ఇబ్బంది కరమైన పరిస్దితిని క్రియేట్ చేస్తాయి. తాజాగా హీరో రామ్ చరణ్ హెల్త్ పై వచ్చిన రూమర్ పై ఆయన్ని చాలా బాధించింది.
‘ఆర్.ఆర్.ఆర్’ మూవీ షూటింగ్లో ఆయన మరోసారి గాయపడ్డారని మంగళవారం పలు వెబ్సైట్లు రాసుకొచ్చాయి. దాంతో చెర్రీ సతీమణి ఉపాసన వెంటనే రాంచరణ్ కి ఫోన్ చేసి ఆ విషయంపై ఆరా తీయగా తనకు ఏమీ కాలేదని అనడంతో ఊపిరి పీల్చుకుందట. ఆ తర్వతా వరుసగా చెర్రీ కుటుంబ సన్నిహితులు, ఆప్తులు ఫోన్స్ లో పలకరించారని , ఇంత హంగామాకు కారణమైన రూమర్స్ పై ఆయన మండిపడ్డారని సమాచారం. దాంతో వెంటనే ఈ వార్తల్లో నిజంలేదని రామ్ చరణ్ కు చెందిన స్పోక్స్ పర్సన్ మీడియాకు తేల్చి తెలియచేసారు.
మీడియాలో వచ్చిందంతా అబద్దమని..చెర్రీ హ్యాపీగా షూటింగ్ లో పాల్గొంటున్నారని.. సోమవారం, మంగళవారం కూడా ఆయన షూటింగ్ లో పాల్గొన్నారని తెలిపారు. ప్రముఖ దర్శకుడు ఎస్.ఎస్. రాజమౌళి ‘ఆర్.ఆర్.ఆర్’ చిత్రాన్ని ప్రతిష్ఠాత్మకంగా తెరకెక్కిస్తున్నారు. ఇందులో చరణ్ అల్లూరి సీతారామరాజు పాత్రలో, తారక్ కొమురం భీమ్ పాత్రల్లో నటిస్తున్నారు. చెర్రీకి జోడీగా బాలీవుడ్ నటి ఆలియా భట్ కనిపించనున్నారు.