సినీ ప్రపంచంలోకి తారాజువ్వలా ఎదిగాడు విజయ్. తక్కువ సినిమాలతోనే స్టార్ హీరోల సరసనకు చేరువయ్యాడు. అయితే ఇండస్ట్రీలో ఎదిగే వాళ్ళను చూస్తే కొంత మందికి ఎక్కడ లేని అసూయా కలగడం సహజం. ఇప్పుడు విజయ్ దేవరకొండ డియర్ కామ్రేడ్ ఫలితానికి సంబంధించిన చర్చ హాట్ టాపిక్ గా మారింది. విజయ్ దేవరకొండ దీని ప్రమోషన్ విషయంలో చేసిన హంగామా తెలిసిందే. పైగా మీడియం రేంజ్ హీరోలకు ఇప్పటికీ అందని ద్రాక్షలా ఉన్న 60 కోట్ల షేర్ ని గీత గోవిందంతో ఓసారి అందుకున్న విజయ్ మరోసారి అది రిపీట్ చేయాలన్న టార్గెట్ తో చాలా కసిగా దీన్ని జనంలోకి తీసుకెళ్లాడు.
నిజంగా దీనికి పాజిటివ్ రిపోర్ట్స్ వచ్చి ఉంటే అది జరిగేదే కానీ డివైడ్ టాక్ ఇప్పుడు చేటు చేస్తోందిఇప్పుడు ఈ పరిణామం పట్ల 40 కోట్ల దాకా మార్కెట్ ఉన్న ఇద్దరు హీరోలు రిలాక్స్ అవుతున్నారని తమ మార్కెట్ మీద విజయ్ ఎక్కడ ఎఫెక్ట్ చూపిస్తాడోనని టెన్షన్ పడిన వీళ్లకు ఇప్పుడు డియర్ కామ్రేడ్ టాక్ టెన్షన్ ను తగ్గించిందని ఇలా రకరకాలుగా ఆన్ లైన్ చర్చలు జరుగుతూనే ఉన్నాయి. నిజంగా వాళ్ళలా ఫీలయ్యారో లేదో కానీ వీటి గురించి డిస్కషన్ లో ఉన్నవాళ్లు అంతకన్నా ఎక్కువే రియాక్ట్ అవుతున్నారు.
వాస్తవానికి గతంలో విజయ్ దేవరకొండ స్టార్ డం గురించి జరిగిన చర్చలో నితిన్ - నిఖిల్ లాంటి హీరోల పేర్లు బయటికి వచ్చాయి. అలాంటిదేమి లేదన్న క్లారిటీ వాళ్ళు తర్వాత ఇచ్చారు అది వేరే విషయం. ఇప్పుడు మాత్రం వెరైటీగా ఇంకో ఇద్దరి పేర్లు రావడం కొసమెరుపు. ఇలాంటివి టాక్స్ రచ్చ చేయడం మాములే కానీ ఈ వీక్ ఎండ్ అయ్యాక డియర్ కామ్రేడ్ రియల్ స్టేటస్ తెలియనుంది. అయితే ప్రస్తుతానికి మాత్రం ఈ సినిమాకు డివైడ్ టాక్ గమనార్హం. ఈ టాక్ తో ఎక్కువగా కలెక్షన్స్ కొల్లగొడితే మాత్రం విజయ్ కు ఇంక తిరుగుండదు.
