టాలీవుడ్, కోలీవుడ్ లో స్టార్ హీరోగా పేరు తెచ్చుకున్నారు సూర్య.  అప్పట్లో గజినీ సినిమాతో తెలుగు ప్రేక్షకుల మనసు దోచిన సూర్య తర్వాత వరుసగా తన సినిమాలు తెలుగు లో డబ్ చేస్తూ తెలుగు హీరోలకు ఉన్నంత క్రేజ్ సంపాదించాడు.  టాలీవుడ్ లో సూర్యకి ఫ్యాన్ ఫాలోయింగ్ ఎక్కువగానే ఉంది.  ఇక సూర్య కూడా తెలుగు ప్రేక్షకులంటే తనకు ఎంతో ఇష్టమని సినీ తారలను వారు గుండెల్లో పెట్టుకొని చూసుకుంటారని చెబుతుంటారు.  అంతే కాదు తెలుగు రాష్ట్రాల్లో ఎలాంటి ప్రకృతి వైపరిత్యాలు సంబవించినా కూడా వెంటనే స్పందించి తన వంతు విరాళం అందిస్తుంటారు సూర్య.

ఇటీవల సూర్య నటించిన ఎన్ జీకే మూవీ అనుకున్నంత విజయం సాధించలేకపోయింది.  దాంతో తన తదుపరి సినమాపై ఎక్కువ ఫోకస్ చేస్తున్నారు సూర్య.  ’రంగం’ ఫేమ్ కె.వి. ఆనంద్ దర్శకత్వంలో సూర్య హీరోగా ‘బందోబస్త్’ త్వరలో ప్రేక్షకుల ముందుకు రాబోతుంది.   తమిళ సినిమా ’కప్పాన్’కు తెలుగు లో డబ్ చేస్తున్నారు. లైకా ప్రొడక్షన్స్ పతాకంపై ప్రముఖ తమిళ నిర్మాత సుభాస్కరణ్ నిర్మిస్తున్నారు.  ఈ మూవీలో సాంగ్స్ హేరీశ్ జైరాజ్ కంపోజ్ చేశారు.  ‘బందోబస్త్’ తమిళ వర్షన్ ’కాప్పాన్’ పాటలు ఇటీవలే సూపర్‌స్టార్ రజనీకాంత్ చేతుల మీదుగా విడుదల అయ్యాయి.

త్వరలో ఈ పాటలు తెలుగులో కూడా రాబోతున్నాయి.  కప్పాన్ టీజర్ ఇటీవల రిలీజ్ కాగా..తెలుగులో బందోబస్త్ టీజర్ ఈ మద్య రిలీజ్ అయ్యింది.  డిఫరెంట్ గెటప్‌లలో సూర్య నటన, పాకిస్తాన్ తీరును ఎండగడుతూ మోహన్‌లాల్ చెప్పిన పవర్‌ఫుల్ డైలాగ్స్, కథా నేపథ్యం ప్రేక్షకులను ఆకట్టుకున్నాయి. బందోబస్త్ లో బోమన్ ఇరానీ, సముద్రఖని, పూర్ణ, నాగినీడు ప్రధాన పాత్రల్లో నటిస్తున్నారు.  రచయితలు: పి.కె.పి, శ్రీరామకృష్ణ, పాటలు: వనమాలి, చంద్రబోస్, ఎడిటర్: ఆంటోనీ, స్టంట్స్: దిలీప్ సుబ్బరాయన్, పీటర్ హెయిన్స్, డాన్స్: బాబా భాస్కర్, శోభి, గణేష్ ఆచార్య, సినిమాటోగ్రఫీ: ఎం.ఎస్.ప్రభు.



మరింత సమాచారం తెలుసుకోండి: