బాలీవుడ్ కండల వీరుడు సల్మాన్ ఖాన్ ఎన్నో వివాదాలకు కేరాఫ్ అడ్రస్ గా ఉంటారని అందరికీ తెలిసిందే.  కృష్ణ జింక కేసు, హిట్ అండ్ రన్ కేసు, తన తోటి హీరోయిన్లపై దురుసుగా ప్రవర్తన సంఘటనలు ఎన్నో ఉన్నాయి. ఇవన్నీ ఒక కోణం అయితే.. సల్మాన్ ఖాన్ స్టిల్ బ్యాచ్ లర్. ఆయన మనసు వెన్న అని చాలా మంది అంటారు, దానికి కారణం ఎన్నో సామాజిక సేవా కార్యక్రమాల్లో పాల్గొంటారు.  సల్మాన్ ఖాన్ ‘బీయింగ్ హ్యూమన్’ అనే ఫౌండేషన్ నడిపిస్తున్నారు. ఇలా వందల మంది అనాధ పిల్లలను చేరదీస్తున్నారు..వృద్దాశ్రమాలు నడిపిస్తున్నారు..ఈ సంస్థ ద్వారా ఎంతో మంది పిల్లలు ఉన్నత చదువులు కూడా చదువుకుంటున్నారు. 

సినిమా షూటింగ్స్ లో ఎంత బిజీగా ఉన్నా తనకు ఉన్నంత సమయంలో ఈ సేవా కార్యక్రమాలకు హాజరవుతుంటారు సల్మాన్ ఖాన్.  తన అభిమానులు తనను చూడాలనుకుంటే వారికోసం స్వయంగా వెళ్లి సంతోష పరుస్తుంటారు. తాజాగా జూనియర్ ఆర్టిస్ట్, దబాంగ్ సినిమాలో తన సహనటుడు అయిన దాదీ పాండేకు సాయం చేసి తన పెద్ద మనసును చాటుకున్నాడు. ఈ మద్య దాదీ పాండేకు  గుండె పోటు రావడంతో ఆసుపత్రిలో చేరారు.  విషయం తెలుసుకున్న సల్మాన్ ఖాన్ వెంటనే తనకు ఆర్థిక సహాయం అందించాలని భావించారు..అనుకున్నదే తడువు పాండేకు సంబంధించిన ఆసుపత్రి బిల్లుల మొత్తాన్ని సల్మాన్ చెల్లించాడు.

దబాంగ్ సినిమాలో పోలీసు పాత్రలో నటించిన పాండే ప్రస్తుతం కోలుకుంటున్నాడు. ఇంకా అతడికి పూర్తిస్థాయిలో విశ్రాంతి అవసరమని వైద్యులు తెలిపారు. కాగా, తన ఆసుపత్రి ఖర్చులు భరించి తన ప్రాణాలు నిలిపిన సల్మాన్ ఖాన్ ఎంతో గొప్ప మనసు ఉన్నవారని..బయటకు ఆయన కఠువుగా కనిపించినా లోపల ఆయనకు వెన్నెలాంటి మనసు అని, అందరి భాదలు అర్థం చేసుకునే గొప్ప సుగుణం సల్మాన్  ఖాన్ కి ఉందని..ఆయన నూరేళ్లపాటు చల్లగా ఉండాలని సల్మాన్ ఖాన్ కి కృతజ్ఞతలు తెలిపారు పాండే.  తనకు నయం అయి బయటకు రాగానే వెంటనే సల్మాన్ ని కలుస్తానని అన్నారు. 


మరింత సమాచారం తెలుసుకోండి: