నాపేరు సూర్య ప్లాప్ అయిన తర్వాత మరొకరి సినిమా చేయడానికి చాలా టైం తీసుకున్నాడు స్టైలిష్ స్టార్ అల్లు అర్జున్. అయితే చాలా కథలు చాలా మంది డైరెక్టర్లు చెప్పినా గాని ఎవరికి అవకాశం ఇవ్వకుండా తన కెరీర్లో రెండు బ్లాక్ బస్టర్ ఇచ్చిన మాటల మాంత్రికుడు త్రివిక్రమ్ శ్రీనివాస్ కు గ్రీన్ సిగ్నల్ ఇచ్చాడు అల్లు అర్జున్. ఇటీవలే ఈ సినిమాకి సంబంధించిన షూటింగ్ ప్రారంభమైంది ఇప్పటికే 2 3 షెడ్యూల్ పూర్తి చేసుకున్న ఈ సినిమా గురించి రోజుకో వార్త బయటకు వస్తుంది. ఈ సినిమాలో అల్లు అర్జున్ సాఫ్ట్ వేర్ పాత్రలో నటిస్తున్నట్లు అంతేకాకుండా సీనియర్ హీరోయిన్ టబు కూడా ఈ సినిమాలో ప్రధాన పాత్ర పోషిస్తున్నట్లు ఫిలింనగర్ లో వార్తలు వినబడుతున్నాయి.
ఇటువంటి నేపథ్యంలో ఈ సినిమా చేస్తుండగానే డైరెక్టర్ సుకుమార్ అలాగే వేణు శ్రీరామ్ చెప్పిన స్టోరీలకు ఓకే చెప్పి మంచి జోరు మీద ఉన్న అల్లు అర్జున్..త్రినేత్రం సినిమా చేస్తుండగానే ఈ ఇద్దరి డైరెక్టర్లలో ఒకరితో మొదలు పెడతారు అని అందరు అనుకున్నారు. కానీ అనూహ్యంగా టాలీవుడ్ మాస్ డైరెక్టర్ బోయపాటి శ్రీను తెరపైకి వచ్చారు.
ఇటీవల బోయపాటి శీను చెప్పిన కథ నచ్చడంతో వెంటనే త్రివిక్రమ్ సినిమా చేస్తుండగానే మరో పక్క బోయపాటి సినిమా చేయడానికి అల్లుఅర్జున్ గ్రీన్ సిగ్నల్ ఇచ్చినట్లు టాలీవుడ్ ఇండస్ట్రీలో వార్తలు వినబడుతున్నాయి. గతంలో సరైనోడు అనే బ్లాక్బస్టర్ తనకు ఇవ్వడంతో బోయపాటికి తాజాగా అల్లు అర్జున్ అవకాశం ఇచ్చినట్లు సమాచారం. అయితే సినిమా స్టోరీ బాగా నచ్చడంతో బోయపాటి తో చేయబోయే ఈ సినిమాను గీతా ఆర్ట్స్ బ్యానర్ మీద చేసే ఆలోచనలో బన్నీ ఉన్నాడట. ప్రస్తుతం త్రివిక్రమ్ తో చేస్తున్న సినిమా నవంబర్ కల్లా పూర్తవుతున్న నేపథ్యంలో డిసెంబర్ నెల నుండి బోయపాటితో పని చేయడానికి అల్లు అర్జున్ ఆలోచిస్తున్నట్లు సమాచారం.
