ట్యాలెంటెడ్ హీరో శర్వానంద్, 'స్వామి రారా' పేమ్ సుధీర్ వర్మ కాంబినేషన్ లో తెరకెక్కిన చిత్రం రణరంగం. ఈచిత్రం స్వాతంత్య్ర దినోత్సవం కానుకగా ఆగస్టు 15న విడుదలకానుంది. కాగా ప్రమోషన్స్ గట్టిగానే చేస్తున్న ఈ సినిమా కు పెద్దగా బజ్ మాత్రం క్రియేట్ కావడంలేదు. అయితే ఇటీవల విడుదలైన ఈ చిత్రం యొక్క ట్రైలర్ కు మాత్రం మంచి స్పందనే వచ్చింది.
ఇక గత ఏడాది పడి పడి లేచె మనసు చిత్రంతో ప్రేక్షకులముందుకు వచ్చిన శర్వా కు ఆ సినిమా రిజల్ట్ గట్టి షాక్ ఇచ్చింది. దాంతో ఈ రణరంగం విజయం సాధించడం ఆయనకు కీలకం కానుంది. ప్రస్తుతం శర్వానంద్ కోలీవుడ్ సూపర్ హిట్ మూవీ 96 తెలుగు రీమేక్ లో నటిస్తున్నాడు. దిల్ రాజు నిర్మిస్తున్న ఈ చిత్రంలో సమంత హీరోయిన్ గా నటిస్తుంది. ఈసినిమాతో పాటు శర్వా మరో రెండు కొత్త సినిమాలకు సైన్ చేశాడని సమాచారం. త్వరలోనే ఆ సినిమాల వివరాలు వెలుబడనున్నాయి.
