నా పేరు సూర్య తరువాత స్టైలిష్ స్టార్ అల్లు అర్జున్ ప్రస్తుతం త్రివిక్రమ్ దర్శకత్వంలో తన 19 వ చిత్రంలో నటిస్తున్నాడు. కాగా ఈ చిత్రం యొక్క షూటింగ్ శరవేగంగా జరుగుతుంది. ఇక ఈ సినిమా టైటిల్ ను ఆగస్టు 15న రివీల్ చేయనున్నట్లు మేకర్స్ ప్రకటించారు. అయితే దానికంటే ముందే ఈటైటిల్ లీక్ అయ్యింది. ఈసినిమాకు 'అల వైకుంఠపురంలో' అనే టైటిల్ ఖరారు చేశారని.. నిన్నటి నుండి ఈన్యూస్ సామాజిక మాధ్యమాల్లో వైరల్ అవుతుంది.
ఇక ఈ టైటిల్ విషయానికి వస్తే పోతన రచించిన మహా భాగవతంలో గజేంద్ర మోక్షంలోని 'ఆల వైకుంఠపురంబులో' అనే పద్యం నుండి ఈ టైటిల్ ను తీసుకున్నాడట త్రివిక్రమ్. ఏది ఏమైనా ఒకవేళ ఈసినిమాకు టైటిల్ అదే అయితే చాలా మంది కి ఈ పద్యం గురించి తెలిసేలాచేసినవారవుతారు త్రివిక్రమ్. మరి ఈసినిమా కు ఆ టైటిల్ కు లింక్ ఏంటో తెలియాలంటే మాత్రం సినిమా విడుదలవరకు వేచి చూడాల్సిందే. ఇక త్రివిక్రమ్ 'అ ఆ' సినిమానుండి అ టైటిల్ సెంటిమెంట్ ను కొనసాగిస్తున్నాడు. ఈసినిమా తరువాత ఎన్టీఆర్ తో 'అరవింద సమేత' కు కుడా అదే సెంటిమెంట్ ను కంటిన్యూ చేశాడు. ఫలితంగా ఈ రెండు సినిమాలు సూపర్ హిట్ అయ్యాయి. దాంతో ఇప్పుడు బన్నీ సినిమాకు కూడా అదే సెంటిమెంట్ ను రిపీట్ చేస్తున్నాడు.
ఫ్యామిలీ ఎంటర్ టైనర్ గా తెరకెక్కుతున్న ఈ చిత్రంలో పూజా హెగ్డే కథానాయికగా నటిస్తుండగా సీనియర్ నటి టబు ,ప్రముఖ మలయాళీ నటుడు జయరాం , సుశాంత్ , నవదీప్ , నివేత పేతురాజు కీలక పాత్రల్లో కనిపించనున్నారు. తమన్ సంగీతం అందిస్తున్న ఈ చిత్రాన్ని హారిక హాసిని క్రియేషన్స్, గీతా ఆర్ట్స్ బ్యానర్ల ఫై రాధాకృష్ణ , అల్లు అరవింద్ సంయుక్తంగా నిర్మిస్తున్నారు.