సాధారణంగా హీరోలు ఎంత పెద్ద వస్తాదులనైనా సరే ఒంటి చేత్తో మట్టి కరిపిస్తారు. ఎదుట పడ్డ విలన్ బుల్లెట్ల వర్షం కురిపించినా హీరోకి ఒక్కటంటే ఒక్క బుల్లెట్ తగలకుండా తప్పించుకొని విలన్ కి ఒక్క బుల్లెట్ తో కాల్చి చంపేస్తాడు. విలన్లను తరిమేందుకు పెద్ద పెద్ద బిల్డింగ్స్ సైతం అవలీలగా జంప్ చేసి పట్టుకొని కొడతాడు. కొంత మంది హీరోలు అయితే ఒక అడుగు ముందుకు వేసి కేవలం వారి కనుసైగలతోనే అంటే కంటి చూపుతోనే మట్టికరిపిస్తారు. ఇలా చేస్తేనే ఆ హీరో పవర్ ఫుల్ గా కనిపిస్తాడు..లేదంటే అభిమానులు నిరాశకు లోనవుతారు.
తమ హీరో ఎన్ని ఫైట్స్ చేస్తే ఆ సినిమా అంత గొప్పగా ఉంటుందని భావిస్తారు. ఇదంతా రీల్ లైఫ్..కానీ రియల్ లైఫ్ లో విలన్లపై హీరో దాడి చేయడం మామూలు విషయం కాదు..చావబాదినా బాదుతారు..ఇప్పుడు ఓ కన్నడ హీరో పరిస్థితి అలాగే తయారైంది. కన్నడ హీరో కోమల్ పై దుండగులు తీవ్రంగా దాడి చేశారు. ఆయన కారుని ఆపి మరీ ఓ దుండగుడు కారులో నుండి బయటకి లాగి పిడిగుద్దులు గుద్దాడు. ఈ దాడిలో కోమల్ కి నోటి నుంచి ముక్క నుంచి తీవ్ర రక్తస్రావం కూడా అయ్యింది. అయినా కూడా దాడి చేసిన వ్యక్తి కొంచమైనా కనికరం లేకుండా కొట్టాడు. ఇదంతా అక్కడ ఓ ఔత్సాహికుడు వీడియో షూట్ చేశాడు. అసలు విషయానికి వస్తే..హీరో కోమల్ తమ కూతురిని స్కూల్ నుండి తీసుకురావడానికి కారులో బెంగుళూరులోని శ్రీరాంపుర రైల్వే సమీపం నుండి వెళ్తున్నాడు.
ఆ సమయానికి కోమల్ కారుని ఓవర్ టేక్ చేసే ప్రయత్నంలో బైక్ పై వెళ్తున్న వ్యక్తి దురుసుగా కారుని తాకిస్తూ వెళ్లాడు. తన కారుకు బైక్ ఢీ కొనడంతో వెంటనే ఆ బైకర్ పై కోమల్ సీరియస్ అయ్యారు..ఎందుకిలా చేశావని ప్రశ్నించాడు. తనను ప్రశ్నిస్తావా నీ అంతు చూస్తా అంటూ కారులో నుంచి బయటకు లాగి కోమల్ ముఖం, నోటి, ముక్కుపై పిడిగుద్దులు గుద్దాడు. విషయం తెలుసుకున్న పోలీసులు వచ్చి బైకర్ ని అరెస్ట్ చేశాడు. అతడు మద్యం మత్తులో జూగుతున్నాడని..అదే మత్తులు కోమల్ ఎవరో తెలియకుండా కొట్టి ఉంటాడని పోలీసులు భావిస్తున్నారు. కాగా, కోమల్ సోదరుడు ప్రముఖ హీరో బీజేపీ నాయకుడు జగ్గేష్ దీనిపై సీరియస్ అయ్యాడు. తన సోదరుడు కమల్ పై దాడి చేసిన వ్యక్తిని కఠినంగా శిక్షించాలని పోలీసులను డిమాండ్ చేశాడు.
