బిగ్ బాస్ తెలుగు మూడవ సీజన్ లో ఇప్పటివరకు మూడు ఎలిమినేషన్ లు జరిగాయి. అందులో భాగంగా మొదటి వారం హేమ ఎలిమినేట్ కాగా రెండవ వారం జాఫర్ అలాగే మూడవ వారం తమన్నా సింహాద్రి ఎలిమినేట్ అయ్యారు . అయితే ఈ ఎలిమినేషన్ లను అందురు ముందుగానే ఊహించారు. అలాగే ఎలిమినేషన్ ప్రాసెస్ కూడా అలాగే జరిగింది. దింతో ఈ ఎలిమినేషన్ పక్రియ ప్రేక్షకులకు అంతగా కిక్ ఇవ్వలేదు. అయితే నాలుగవ వారం ఎలిమినేషన్ మాత్రం ఇందుకు భిన్నంగా జరుగనుంది.
ఈవారం బాబా భాస్కర్ , శివ జ్యోతి , వరుణ్ సందేశ్ , రాహుల్ , రోహిణి , రవి ,శ్రీ ముఖి ఎలిమినేషన్ కు నామినేట్ అవ్వగా ఇందులో నిన్న శివ జ్యోతి , వరుణ్ సందేశ్ సేవ్ అయినట్లుగా షో వ్యాఖ్యాత నాగార్జున ప్రకటించాడు. కాగా ఈ నామినేషన్ లిస్ట్ లో ఓటింగ్ ఆధారంగా చూస్తే బాబా భాస్కర్ సేవ్ అవ్వడం ఖాయంగా కనిపిస్తుంది. ఎందుకంటే అందరికన్నా అతనికే ఎక్కువ ఓట్లు పోలైయ్యాయి. ఆ తరువాత రవి , శ్రీముఖి కి ఎక్కువ ఓట్లు వచ్చాయట.
ఇక ఈ జాబితాలో చివరి రెండు స్థానాల్లో వున్నారు రోహిణి , రాహుల్. వీరిద్దరికి దాదాపుగా సమానంగా ఓట్లు వచ్చాయని సమాచారం. అయితే ఎలిమినేషన్ అయ్యే వారు ఎవరంటే ఎక్కువగా రోహిణి పేరు వినబడుతుంది. ఆమె ఈ రోజు బిగ్ బాస్ హౌజ్ నుండి బయటికి రావడం ఖాయమని అంటున్నారు. మరికొందరేమో రాహుల్ ఎలిమినేట్ అవ్వనున్నాడని అంటున్నారు. మరి రోహిణి ఎలిమినేట్ అవుతుందో లేక రాహుల్ ను ఎలిమినేట్ చేస్తారో తెలియాలంటే మరి కొద్దీ గంటల పాటు వేచి చూడాల్సిందే.