టాలీవుడ్ ఇండస్ట్రీలో మోస్ట్ ఎలిజిబుల్ బ్యాచిలర్ అని చెప్పగానే టక్కున గుర్తొచ్చే పేరు ప్రభాస్. ప్రస్తుతం ప్రభాస్ సాహో సినిమా ప్రమోషన్ కార్యక్రమాల్లో చాలా బిజీ బిజీగా గడుపుతున్నారు. ప్రమోషన్ లో భాగంగా సినిమా కి సంబంధించిన విశేషాలు అలాగే తన పర్సనల్ లైఫ్ గురించి కూడా అనేక ఇంటర్వ్యూలలో చెప్పుకొస్తూ సోషల్ మీడియాలో ఎలక్ట్రానిక్ మీడియాలో పెద్ద హాట్ టాపిక్ అవుతున్నారు. ఇటువంటి నేపథ్యంలో తాజాగా ఇటీవల జరిగిన ఓ కార్యక్రమంలో పాల్గొన్న ప్రభాస్ కి పెళ్లి ఎప్పుడు అనే ప్రశ్న ఎదురవడంతో వెంటనే డార్లింగ్ ప్రభాస్ మాట్లాడుతూ టైం వచ్చినప్పుడు జరగాల్సిన సమయంలో పెళ్లి జరుగుతుందని అది ప్రేమ వివాహం అయినా కావచ్చు అంటూ ప్రభాస్ పేర్కొన్నారు.


దీంతో సోషల్ మీడియాలో నెటిజన్లు ప్రభాస్ సమాధానంతో డార్లింగ్ ప్రభాస్ ఆల్రెడీ ప్రేమలో ఉన్నట్లు అర్థమవుతుంది అంటూ కామెంట్ పెడుతున్నారు. ఇంక సినిమా గురించి అనేక విషయాల గురించి తెలియజేస్తూ సినిమాలో యాక్షన్ సన్నివేశాల కోసం దాదాపు 80 కోట్ల వరకూ ఖర్చు అయినట్లు ప్రభాస్ తెలిపారు. అంతేకాకుండా ఆ యాక్షన్ సన్నివేశాలకు సంబంధించిన పెట్టుబడిలో  ఒక భాగం నా రెమ్యూనరేషన్ అని ప్రభాస్ తెలియజేశారు. ప్రస్తుతం యూవీ క్రియేషన్స్ ప్రభాస్ ఫ్రెండ్స్ ది అయి ఉండుట వలన రెమ్యూనరేషన్ కాకపోయినా లాభాల్లో వాటా ఐన తీసుకొనే అవకాశం వుంది.


ఇంకా అనేక విషయాలు చెప్పుకొచ్చారు. కాగా మరికొద్దిసేపట్లో ఈ సినిమాకి సంబంధించిన ప్రీ రిలీజ్ వేడుక అదిరిపోయే రీతిలో రామోజీ ఫిలిం సిటీ లో ప్రారంభం కానుంది. సుజిత దర్శకత్వంలో తెరకెక్కిన ఈ సినిమాలో ప్రభాస్ పక్కన హీరోయిన్ గా బాలీవుడ్ ముద్దుగుమ్మ శ్రద్ధా కపూర్ నటించగా ఇంకా అనేక పాత్రలో బాలీవుడ్ ఇండస్ట్రీకి చెందిన బడాబడా నటీనటులు నటించడం జరిగింది. ప్రభాస్ కెరీర్లోనే దాదాపుగా 300 కోట్ల బడ్జెట్ తో తెరకెక్కిన ఈ సినిమా పై అంచనాలు చాలా పెట్టుకున్నారు ప్రభాస్ అభిమానులు. ఆగస్టు 30వ తారీఖున ఈ సినిమా విడుదల కానుంది. 


మరింత సమాచారం తెలుసుకోండి: