బజర్ధస్త్ కామెడీ షో లేడీ గెటప్ ద్వారా గయ్యాలి పాత్రల్లో నటిస్తూ అందరినీ అలరించాడు వినోద్ (వినోదిని).  బజర్ధస్త్ కామెడీ షో లో ఈ మద్య కాలంలో లేడీస్ నటిస్తున్నారు..కానీ గతంలో మగవారే ఆడవారి వేషంలో నటించేవారు.  అలా లేడీ గెటప్ లో పాపులర్ అయ్యాడు వినోద్.  జబర్ధస్త్ లో చమ్మక్ చంద్ర స్కిట్ అంటే కడుపుబ్బా నవ్వుకోవాల్సిందే..అలా చమ్మక్ చంద్ర- వినోదిని కాంబినేషన్ లో ఎన్నో స్కిట్స్ మంచి హిట్ అయ్యాయి. 

అలాంటిది ఆ మద్య వినోదిని, శాంతి స్వరూప్ లు ఇద్దరు వైసీపీ నేత ఏపి సీఎం వైఎస్ జగన్ ప్రజాసంకల్ప యాత్రలో పాల్గొన్నందుకు తీవ్ర పరిణామాలు ఎదుర్కొన్నారు.  ఒకదశలో వీరిద్దరూ మూడు నెలల పాటు జబర్ధస్త్ నుంచి బయటకు వెళ్లాల్సిన పరిస్థితి ఏర్పడింది..ఈ విషయం స్వయంగా వారే అన్నారు.  ప్రస్తుతం తిరిగి జబర్ధస్త్ లోకి శాంతి స్వరూప్ వెళ్లగా ఈ మద్య వినోదిని ఓ ఇంటి వివాదంలో తీవ్ర గాయాలపాలయ్యాడు.

ప్రస్తుతం తాను ఉంటు ఓ ఇంటిని కొనుగోలు చేసే విషయంలో ముందుగా వారికి కొంత డబ్బు ఇచ్చి వినోద్ ఆ ఇంటి రిజిస్ట్రేషన్ విషయం ప్రస్తావించగా అతడిపై ఇంటి ఓనర్ దారుణంగా దాడి చేసింది.  ఈ ఘటనలో అతని కన్నుపై తీవ్ర గాయం అయిన విషయం తెలిసిందే. తాజాగా ఓ ఇంటర్వ్యూలో వినోద్ మాట్లాడుతూ ఆ రోజున ఇంటికి సంబంధించిన వ్యక్తులు నాపై దాడి చేసిన దగ్గర నుంచి ఓ కన్ను సరిగ్గా కనిపించడం లేదు.

అంతే కాదు గాయమైన కన్ను చిన్నగా అయ్యిందని కొంత మంది అనడం ఎంతో బాధకలిగిస్తుందని అన్నారు. అసలు లేడీ గెటప్ లో స్కిట్స్ వేస్తే నా కళ్లు పెద్దవిగా చూపించేవారు కానీ ఇప్పుడు ఆ కళ్లలో ఒకటి చిన్నగా అయిపోవడం .. సరిగ్గా కనిపించకపోవడంతో నాకు చాలా భయం వేస్తోంది. ప్రతిరోజూ అద్దం చూసుకుని ఏడుస్తున్నాను  అంటూ ఆవేదన వ్యక్తం చేశాడు.


మరింత సమాచారం తెలుసుకోండి: