మాస్ మహా రాజా రవితేజ ,ఎక్కడికిపోతావు చిన్నవాడా ఫేమ్ వి ఐ ఆనంద్ కాంబినేషన్ లో తెరకెక్కుతున్న చిత్రం 'డిస్కోరాజా'. ప్రస్తుతం ఈ చిత్రం యొక్క షూటింగ్ ఢిల్లీలో జరుగుతుంది. ఈ షెడ్యూల్ లో కొన్ని కీలక సన్నివేశాలను చిత్రీకరిస్తున్నారు. ప్రస్తుతం జరుగుతున్న షెడ్యూల్ నుండి రవి తేజ కొత్త లుక్ బయటికి వచ్చింది. ఇక ఈ లుక్ నెటిజన్లకు షాక్ ఇచ్చింది. ఆ లుక్ లో చాలా యంగ్ గా కనిపిస్తున్నాడు మాస్ రాజా. అసలు నిజంగానే రవి తేజానా.. కాదా అని పోల్చులేకపోతున్నామని కామెంట్లు పెడుతున్నారు. కాగా ఈ చిత్రం లో రవి తేజ డ్యూయెల్ రోల్ లో నటిస్తున్నాడు. అందులో భాగంగా ఒక రోల్ లో ఆయన యువకుడిగా నటిస్తున్నారు. ఇక ఈ ఢిల్లీ షెడ్యూల్ తరువాత చిత్ర బృందం స్విజ్జర్లాండ్ కు వెళ్లనుంది. అక్కడ జరిగే షెడ్యూల్ తో షూటింగ్ దాదాపుగా పూర్తి కానుంది. సైన్టిఫిక్ థ్రిల్లర్ గా తెరకెక్కుతున్న ఈ చిత్రంలో నాభా నటేష్ , పాయల్ రాజ్ పుత్ , తాన్యా హోప్ కథానాయికలుగా నటిస్తున్నారు.
