బాలీవుడ్ స్టార్ హీరో సల్మాన్ ఖాన్ నటిస్తున్న లేటెస్ట్ మూవీ ఇన్షా అల్లా. ప్రముఖ దర్శకుడు సంజయ్ లీలా భన్సాలీ తెరకెక్కిస్తున్న ఈ చిత్రం ఫై అంచనాలు మామలుగా లేవు. ఇక ఈసినిమా ఇటీవలే ముంబై లో ఓ సాంగ్ చిత్రీకరణను జరుపుకుంది. ప్రస్తుతం ఈసినిమా షూటింగ్ కు బ్రేక్ఇచ్చారట. దాంతో ఈ సినిమా ముందుగా అనుకున్నట్లు వచ్చే ఏడాది ఈద్ కు విడుదలకావడం కష్టమేనని అంటున్నారు బాలీవుడ్ విశ్లేషకులు. ఇక ఇదిలా ఉంటే ఇంకా షూటింగ్ కూడా సరిగ్గా స్టార్ట్ కాలేదు అప్పుడే ఈ సినిమా థియేట్రికల్ హక్కుల కోసం ఫుల్ డిమాండ్ ఏర్పడింది. బాలీవుడ్ చిత్ర వర్గాల నుండి వస్తున్న సమాచారం ప్రకారం ఈ సినిమా హక్కులను 190కోట్లకు సొంతం చేసుకున్నాడట పెన్ సినిమాస్ అధినేత జయంతిలాల్ గడ.
సంజయ్ లీలా భన్సాలీ నిర్మిస్తున్న ఈ చిత్రంలో యంగ్ బ్యూటీ అలియా భట్ హీరోయిన్ గా నటిస్తుంది. ఈ చిత్రం ముంబై , వారణాసి , హరిద్వార్ అలాగే యూఎస్ లోని ఫ్లోరిడా , ఓర్లాండో తది తర ప్రాంతాల్లో షూటింగ్ జరుపుకోనుంది. ఇక ఈ ఏడాది ఈద్ కు 'భారత్' తో ప్రేక్షకులముందుకు వచ్చిన సల్మాన్ కు ఆ చిత్రం భారీ షాక్ ఇచ్చింది. భారీ అంచనాల మధ్య విడుదలైన భారత్ బాక్సాఫీస్ వద్ద బోల్తా పడింది.
ఇక సల్మాన్ ప్రస్తుతం దబాంగ్ 3 లో నటిస్తున్నాడు. ప్రభుదేవా డైరెక్షన్ లో తెరకెక్కుతున్న ఈ చిత్రం హిందీతో పాటు తెలుగు , తమిళ , కన్నడ భాషల్లోనూ విడుదలకానుంది. కన్నడ స్టార్ హీరో కిచ్చా సుధీప్ ప్రతి నాయకుడి పాత్రలో నటిస్తుండగా .. సల్మాన్ ఖాన్ , అర్బాజ్ ఖాన్ ఈ చిత్రాన్ని నిర్మిస్తున్నారు. ఈఏడాది డిసెంబర్ 20న ఈ చిత్రం ప్రేక్షకులముందుకు రానుంది.