తెలుగు లో వస్తున్న బిగ్ బాస్ 3 రోజుకో ట్విస్ట్ తో తెగ సందడి చేస్తుంది. అయితే గతంలో బిగ్ బాస్ 1, 2 షోల్లో రెండు మూడు వారాల్లోనే నానా రభస జరిగింది.  ఇంటి సభ్యుల మద్య ఎన్నో కాంట్రవర్సీలు, గొడవలతో ఎంతో రచ్చ జరిగిందో అందరికీ తెలిసిందే.  కానీ ఈసారి బిగ్ బాస్ 3 లో మాత్రం చాలా కూల్ కూల్ గా సాగుతుంది.  ఇంటి సభ్యుల మద్య పెద్దగా గొడవలు, గిల్లి కజ్జాలు, గ్రూపులు ఇలాంటివి ఏవీ జరగకుండా ప్రశాంతంగా జరుగుతుంది. అప్పుడప్పుడు టాస్క్ ల పరంగా ఇంటి సభ్యుల మద్య చిన్న చిన్న తగాదాలు వస్తున్నా..తర్వాత అందరూ కలిసిపోతున్నారు. 

ముఖ్యంగా ఈసారి బిగ్ బాస్ లో స్పెషల్ ఎట్రాక్షన్ పెళ్లైన జంట.  హ్యాపీడేస్ సినిమాతో హీరోగా పరిచయం అయిన వరుణ్ సందేశ్ ...ప్రేమించి పెళ్లి చేసుకున్న వితిక ఇద్దరు బిగ్ బాస్ లో చాలా సందడి చేస్తున్నారు.  అయితే టాస్క్ ల సమయంలో ఇద్దరూ నువ్వా అంటే నువ్వా అనుకున్నప్పటికీ తర్వాత వీరి అన్యోన్య సంబంధం చూస్తుంటే ఇంటి సభ్యులే కాదు బిగ్ బాస్ చూస్తున్న ప్రేక్షకులకు మంచి కాంప్లిమెంట్ ఇస్తున్నారు. అలాంటిది నిన్నటి టాస్క్ లో మాత్రం ఇద్దరి మద్య తీవ్ర స్థాయిలో మాటల యుద్దం జరిగింది. 

ఇక బిగ్ బాస్ లో ఇప్పటికే హేమ,జాఫర్, తమన్నా, రోహిణి, అర్షు ఎలిమినేట్ అయ్యారు.  అయితే మిగిలిన ఇంటి సభ్యులతో మరో ఇద్దరు వైల్డ్ కార్డ్ ఎంట్రీ ఇవ్వబోతున్నట్లు వార్తలు వస్తున్నాయి. హెబ్బా పటేల్, ఈషా రెబ్బాల పేర్లు వినిపించినప్పటికీ శ్రద్ధా దాస్ అయితే రావడం ఖాయమనే ప్రచారం జరిగింది. శ్రద్దా హౌస్ లోకి వస్తే హౌస్ కి గ్లామర్ ఎట్రాక్షన్ వస్తుందని భావించారు.  శ్రద్దా దాస్ ఇప్పటికే గ్లామర్ తరహా పాత్రలతో కుర్రాళ్ల మతులు పోగొట్టింది.  అందరూ ఊహించినట్లు శ్రద్దా దాస్ కాకుండా మొన్న వైల్డ్ కార్డ్ ఎంట్రీతో యాంకర్ శిల్పా చక్రవర్తి ఎంట్రీ ఇవ్వడంతో అందరూ షాక్ తిన్నారు. 

గతంలో శ్రద్దా దాస్ కి వరుణ్ సందేశ్ తో ఉన్న ఎఫైర్ కూడా షోకి మసాలా యాడ్ చేస్తుందని భావించారు. అయితే శ్రద్దా దాస్ ఎందుకు రాలేదు అన్న విషయానికి వస్తే..వరుణ్ సందేశ్ ఉన్నంత వరకు తాను బిగ్ బాస్ హౌజ్ లోకి అడుగు పెట్టనని చెప్పినట్లు వార్తలు వినిపిస్తున్నాయి. వరుణ్ సందేశ్ తో బ్రేకప్ అయిన తరువాత శ్రద్ధ డిప్రెషన్ కి గురైందని అప్పట్లో వార్తలు వినిపించాయి.

అంతే కాదు బిగ్ బాస్ లో ఇప్పుడు వరుణ్ తన భార్యతో ఉండటం..శ్రద్దాకు మరింత ఇబ్బంది అవుతుందని భావించిన నేపథ్యంలో శ్రద్ధా ఈ షోకి నో చెప్పిందట. మరి ఇది ఎంత వరకు నిజమో అబద్దమో తెలియదు..కానీ ఇకవేళ ఈ అమ్మడు ఎంట్రీ ఇస్తే మాత్రం బిగ్ బాస్ 3 మరింత రంజుగా ఉంటుందని అంటున్నారు వీక్షకులు. 


మరింత సమాచారం తెలుసుకోండి: