ఎస్ ఎస్ రాజమౌళి దర్శకత్వంలో జూనియర్ ఎన్టీఆర్ మరియు మెగా పవర్ స్టార్ రామ్ చరణ్ తేజ్ కలిసి నటిస్తున్న 'ఆర్ఆర్ఆర్' సినిమా షూటింగ్ చాలా శరవేగంగా సాగుతోంది. బాహుబలి వంటి భారీ బ్లాక్ బస్టర్ తర్వాత రాజమౌళి చేస్తున్న ఈ సినిమా స్వాతంత్ర పోరాట నేపథ్యంలో సినిమాగా తెరకెక్కుతోంది. సినిమాలో రామ్ చరణ్ అల్లూరి సీతారామరాజు పాత్రలో నటిస్తుండగా జూనియర్ ఎన్టీఆర్ కొమరం భీమ్ పాత్ర లో నటిస్తున్నారు. ప్రస్తుతం ఈ సినిమాకి సంబంధించిన షూటింగ్ బల్గేరియాలో జరుగుతుంది. అయితే షూటింగ్ లో భాగంగా యంగ్ టైగర్ ఎన్టీఆర్ ఈ సినిమాలో పులితో ఫైట్ చేయబోతున్నట్లు ఫిలింనగర్ లో వార్తలు వినబడుతున్నాయి.
ఖచ్చితంగా ఈ ఫైట్స్ సినిమాకి హైలైట్ అని సినిమా యూనిట్ నుండి వస్తున్న సమాచారం. ఖచ్చితంగా ఎన్టీఆర్ అభిమానులకు ఈ ఫైట్ చూస్తే పూనకాలు వచ్చే విధంగా రాజమౌళి తెరకెక్కిస్తున్నారట. ముఖ్యంగా ఈ పులి ఫైట్ కోసం హాలీవుడ్ ఇండస్ట్రీ నుండి ప్రొఫెషనల్ ఫైటర్స్ పర్యవేక్షణలో రాజమౌళి తెరకెక్కిస్తున్నట్లు ఫిలింనగర్ టాక్. ఈ సినిమాలో అలియాభట్.. రామ్ చరణ్ కి జోడీగా కనిపించనుంది. అజయ్ దేవగన్, సముద్రఖని కీలక పాత్రల్లో నటిస్తున్నారు. ఈ సినిమాను తెలుగు, తమిళ, మలయాళ భాషలతో పాటు బాలీవుడ్ లో కూడా విడుదల చేయనున్నారు.
ఈ క్రమంలో ఎన్ని భాషలలో 'ఆర్ఆర్ఆర్' సినిమా రిలీజ్ అవుతుందో అన్ని భాషలలో కూడా ఎన్టీఆర్ తన పాత్రకు తానే డబ్బింగ్ చెప్పుకున్నట్లు సమాచారం. నిర్మాత డివివి దానయ్య నాలుగు వందల కోట్ల బడ్జెట్ తో తెరకెక్కుతున్న ఈ సినిమా వచ్చే సంవత్సరం జూలై మాసంలో విడుదల చేయాలని భావిస్తున్నారు. గతంలో రాజమౌళి చిత్రీకరించినా సినిమాలు జులై లో విడుదలైన సినిమాలు ఇండస్ట్రీలో పాటు దేశవ్యాప్తంగా మంచి పేరు సంపాదించుకోవడం జరిగింది.
