బిగ్ బాస్ 3 లో యాభై ఒకటవ రోజు మెరుపు కలలు సినిమాలోని పాటతో అంతా నిద్రలేచారు. వరుణ్, రవీ జిమ్ చేశారు. బాబా మాస్టర్, శ్రీముఖి స్విమ్మింగ్ పూల్ దగ్గర నిల్చుని ఉన్నారు, ఇంతలో బిగ్ బాస్ మైకు ధరించాలని బాబా మాస్టర్ ని హెచ్చరించాడు. రూల్స్ పాటించని వాడికి కెప్టెన్సీ ఎందుకిచ్చారో అర్థం కావడం లేదని శ్రీముఖి అంది. ఇప్పుడు స్విమ్మింగ్ పూల్ నాతో ఎందుకు క్లీన్ చేయిస్తున్నారని బాబాని శ్రీముఖి అడిగింది. ఊరికే వున్నామని చేయిస్తున్నామని చెప్పాడు ఒక సెలబ్రిటీ వంట చేస్తుండగా మీరు ఆన్ కెమెరా, ఆఫ్ ది కెమెరా అది ఎలా ఉందో చెప్పాలని శ్రీముఖి శిల్పతో అంది. హిమజ వంట చేస్తుండగా డైలీ మనం తినే సాంబారుని ఎంత డిఫరెంట్ గా చేయొచ్చో చూద్దాం అని శిల్ప అంది. టేస్ట్ చేసి అద్భుతం అని పొగిడింది.


ఇప్పుడు ఆఫ్ ది కెమెరా అనగానే టేస్ట్ చేసి వాంతి చేసుకుంది. బిగ్ బాస్ నాకు అర్జెంటుగా టాస్క్ పేపర్ పంపించండి అది కూడా సీక్రెట్ గా అని శ్రీముఖి అడిగింది. ఎవరు ఏమన్నా పట్టించుకోవద్దని ఇదంతా గేమ్ లో భాగమని శిల్పతో మహేష్ అన్నాడు. ఈ హౌస్ లో రెండే గ్రూపులున్నాయని ఒకటి నలుగురు, రెండోది శ్రీముఖి, హిమజ గ్రూప్ అని మహేష్ శిల్పతో అన్నాడు. మిగిలిన మన ముగ్గురిలో బాబాని ఆల్రెడీ లాగేసుకున్నారని చెప్పాడు. బాబా కెప్టెన్ కావటానికి సహాయం చేసినా మీరు నేను ఆయనకు గుర్తులేమని అన్నాడు. శిల్ప కుక్కపిల్ల గురించి చెబుతుండగా హిమజకు తన కుక్క గుర్తొచ్చి ఏడ్చింది. బాబా మాస్టర్, శిల్ప, హిమజ, వితిక, రాహుల్ బెడ్ రూంలో ఉన్న ఎమర్జెన్సీ బాత్రూం నుంచి కోట్ యాడ్ కి రావాలనీ బిగ్ బాస్ అన్నాడు. అక్కడ ఒక స్మశానం సెట్ వుంది, బిగ్ బాస్ సభ్యులకు ఇంట్లో దెయ్యం నాకేం భయ్యం అనే టాస్క్ ని ఇచ్చాడు.


ఈ ఇంట్లో ఒక శ్మశానం ఉంది అందులో ఐదు దయ్యాలు ఉన్నాయని దెయ్యాల ప్రధాన కర్తవ్యం మనుషులకు విసుగు తెప్పించి వాళ్లు రియాక్ట్ అయ్యేలా చేయటమని అన్నాడు. మనుషులు పట్టించుకోక పోయినా దెయ్యాలు మాత్రం అల్లరి చేయాలని చెప్పాడు. మనుషులకు విసుగు తెప్పించిన తరవాత దయ్యాల కర్తవ్యం వారిని చంపడం అన్నాడు. స్పెషల్ సాంగ్ కి దయ్యాలు అంతా డ్యాన్స్ చేసిన తర్వాత మనుషుల్ని ఒక్కొక్కరిగా చంపే ప్రక్రియ మొదలు పెట్టాలని అప్పటి వరకు విసిగిస్తూనే ఉండాలని ఈ రోజు ముగిసేలోగా దెయ్యాలకు కేవలం ముగ్గురు మనుషులను చంపే అవకాశం మాత్రమే ఉంటుందని బిగ్ బాస్ చెప్పాడు. దెయ్యాలు మనుషుల్ని విజయవంతంగా చంపితే దెయ్యాలకు ప్రాణం వచ్చి మనుషులు అవుతాయని చనిపోయిన మనుషులు దెయ్యాలుగా మారుతారని అన్నాడు. రెండు ముద్దులు పెట్టి బాత్రూంలోని అద్దం మీద వరుణ్ ఈజ్ ఎ గోస్ట్ అని రాయాలని, శ్రీముఖి తలపై కోడుగుడ్డు కొట్టాలని, జ్యోతిని ఏడిపించాలని, రవిని మీ పాటలతో డ్యాన్స్ చేసేలా చేయాలని, పునర్నవిని స్విమ్మింగ్ పూల్లో తోసేయాలని, మహేష్ ని ఐదుసార్లు బట్టలు మార్చుకునేలా చేయాలని బిగ్ బాస్ చెప్పాడు.