టాలీవుడ్ లో మెగా బ్రదర్ నాగబాబు తనయుడు వరుణ్ తేజ్ ‘ముకుంద’సినిమాతో వెండి తెరకు పరిచయం అయ్యాడు. క్రిష్ దర్శకత్వంలో వచ్చిన ‘కంచె’ సినిమాతో సూపర్ హిట్ అందుకున్నాడు. అప్పటి వరకు వరుణ్ తేజ్ నటనపై అంతంత మాత్రం అభిప్రాయాలు ఉన్నా..పూరి జగన్నాధ్ దర్శకత్వంలో వచ్చిన ‘లోఫర్’ సినిమాతో మెగా అభిమానుల మనసు దోచాడు వరుణ్ తేజ్. ఈ మూవీలో పక్కా మాస్ లుక్ తో కనిపించాడు. కాకపోతే ఈ మూవీ అనుకున్న విజయం మాత్రం అందుకోలేక పోయింది.
వరుణ్ చాలా సెలెక్టెడ్ కథలు తీసుకొని సినిమాలు తీస్తుంటారని టాక్. అందుకే దాదాపు ఈ హీరో నటించిన సినిమాలు హిట్ అవుతూ వచ్చాయి. ఆ మద్య ఫిదా, తొలిప్రేమ మంచి విజయం అందుకున్నాయి. అంతరిక్షం మూవీ కమర్షియల్ గా హిట్ కాకపోయినా వరుణ్ నటనకు మంచి ప్రశంసలు వచ్చాయి. ప్రస్తుతం వరుణ్ తేజ్ మాస్ దర్శకుడు హరీష్ శంకర్ దర్శకత్వంలో ‘వాల్మీకి’ సినిమాలో నటిస్తున్నాడు. ఈ మూవీలో వరుణ్ తేజ్ లుక్ చూస్తే నింజంగా షాక్ తింటారు. ఎంతో హ్యాండ్సమ్ గా ఉండే వరుణ్ తేజ్ ఊరమాస్ లుక్ లో కనిపిస్తున్నాడు.
80వ దశకంలో విలన్లు ఎలా ఉంటారో వరుణ్ అలా కనిపిస్తున్నారు. గత కొంత కాలంగా వరుణ్ తేజ్ విభిన్నమైన సినిమాల్లో నటుడిగా రాణిస్తున్నాడు. వరుణ్ ప్రయోగాత్మక మూవీల్లో నటించేందుకు కూడా వెనకాడడం లేదు. ఇప్పటికే విడుదలైన టీజర్, ట్రైలర్స్ లో వరుణ్ తేజ్ లుక్ ఆకట్టుకుంది. మాస్ ప్రేక్షకులకు కావలసిన అన్ని అంశాలతో హరీష్ ఈ మూవీ రూపొందించారు.
ఈ మద్య రిలీజ్ అయిన మాస్ ఐటమ్ సాంగ్ కి మంచి రెస్పాన్ వచ్చింది. తాజాగా వరుణ్ ఇంట్రడ్యూసింగ్ సాంగ్ దడ దడ దడ దంచుడే.. గుండెల్లోకి పిడి దింపుడే అంటూ చంద్రబోస్ రాసిన లిరిక్స్ ఆకట్టుకుంటున్నాయి. సింగర్ అనురాగ్ కులకర్ణి మంచి జోష్ తో ఈ పాటని పాడారు. మిక్కీ జె మేయర్ ఈ చిత్రానికి సంగీత దర్శకుడు. పూజా హెగ్డే ఈ మూవీలో హీరోయిన్ గా నటిస్తోంది.
